我係咪有抑鬱???10分

我又矮又瘦又細粒，你已經好過我，我連男朋友都冇。
由於身型瘦弱o既關係，我o既自卑心極重，亦都好在乎自己o既樣貌。我連打扮都唔敢，因為我著得唔好睇，襯唔起D靚衫，由細都大都未試過真真正正著得好索咁出街。

我經常很羨慕靚女，我身邊有唔少朋友都係靚女，佢o地真係有好多追求者同寵愛，呢點我都好渴望的，人總有虛榮感吧？甚至我有時企起佢o地身旁就覺得有o點心傷，羨慕同自卑感一湧而上，皆因佢o地永遠都係別人o既焦點，我卻變得好渺小。所以我十分明白你的感覺。

呢個世界就係咁，就係咁唔公平，所謂o既公平都只係由人類建立出來。而呢個花花世界，十居其九都係外貌協會，因為人類o既心比較醜惡，太著重表面，真正停低了解同欣賞自己內心o既人又有幾多呢 ?

如果你過到自己o個關，你大可以努力搵錢去整容，如果你純粹係想獲取讚賞。但係，自己o既價值真係只有外表先可以立足嗎 ?

生活起現實，我o地其實無法改變D咩，亦無法唔去比較，有了比較就讓我o地感到痛苦，亦都足以證明其實我o地o既內心係幾咁脆弱。

可能係你未比人讚過靚所以好想試下o個種感覺，因為你渴望得到。

我曾經因為此問題尋找好多慰解，我曾讀過一篇文章，內容大概係講一D天生麗質o既人，大部份由細到大都活起虛榮感同別人o既讚美之上，身邊o既人都係喜歡佢o地o既美貌，然後呢D美人起年輕時都放好多時間去打扮，享受被寵愛。但到了接近中年時，佢們開始失去青春美麗的外表，而且變得一無所有，內心空虛，智慧貧乏。因為佢o地從前都將時間放起虛榮o既生活同打扮上，就算點樣保養，總會掩不住歲月的痕跡。反而一直只有平凡外表o既人，在年輕時多了一份專注去充實自己的心靈同智慧，長遠來講呢D人起開跑o既時候輸佐，但到最後關頭還是勝利了。而且佢o地o既伴侶或者都係比較真心。
當然以上所講o既唔係絕對但都有好多例子係咁的。

起碼樣子平凡o既人到老佐唔會感歎自己後生有幾靚。
有靚o既人就一定會有冇咁靚o既人，而如果個個都爭住做靚人，呢個世上就唔會有美醜之分。你可能會諗點解要偏偏係我去做醜人？但係如果你轉個角度諗，冇我呢D外表平凡o既人又點突顯出o個D所謂靚o既人o既靚呢？咁都幾偉大wo~
而且靚仔靚女o既生活比較多虛假，每個人鍾意佢都係因為佢外表，就好似你所講暗戀o個個男仔一樣，你有內涵但佢最後都揀佐一個花樽，足以證明佢o既膚淺。其實唔好話佢，有時我或者都會係咁而我不自知的。

你唔係有抑鬱，只係自卑，但自卑o既唔會只得你一個。讚你高都係一種讚賞，已經好過好多人。

試下做呢個評估, 你就會知道有冇抑鬱??

http://www.hku.hk/psychi/emotion/dass_f_c.html

你一定冇抑鬱,抑鬱係一定唔會同人講自己有,你只係自卑同自信心差,你唔洗理人點睇,你有自信,人地都唔敢話你,但係你自卑既時候有d庵春,人地見你咁易洽緊係話你樣衰呀,點點點。只要你唔怨自己,同自己講你有內在美咪得lo,樣真係咁重要??
你之前男同事個case呢,佢地kiss就後悔啦,食煙大口氣,條仔kiss唔到條女啦,係咪??唔好咁唔開心啦