甚麼是暫委法官

法官有分為:
法官 - 正式嚟計分為大法官及法官兩種, 英文同樣係 Judge. 區域法院叫法官, 正式稱謂係 His Honour Judge XX (簡稱 H.H. Judge XX). 高等法院或以上叫大法官, 正式稱謂係 The Honourable Mr. Justice XX (簡稱 The Hon. Mr. Justice XX). 呢 d 法官係喺佢哋份屬嘅法庭坐正咗嘅, 即係正式法官.
暫委法官 - 即係試升嘅法官, 英文係 Deputy High Court Judge (高等法院暫委法官) / Deputy District Court Judge (區域法院暫委法官) / Deputy Magistrate( 裁判法院暫委裁判官). 佢哋本身係喺下一級嘅法庭已經坐正咗, 但就暫時升上上一級法庭做住法官幫吓手先. 遲 d 可能會坐正上級法庭, 亦可能回歸本身法庭.
Eg.1. 彭偉昌法官 H.H. Judge Pang - 佢係正式嘅區域法院法官, 但現時被委任為高等法院原訟庭暫委法官, 所以在高院時稱謂係 Deputy High Court Judge Pang.
Eg.2. 陳仲衡裁判官 Mr. Johnny Chan, Magistrate - 佢係正式嘅裁判官, 但現時被委任為區域法院暫委法官, 所以在區院時稱謂係 Deputy District Court Judge Chan.
特委法官 - 顧名思義, 特委法官即係特別委任嘅法官, 英文係 Recorder. 佢哋唔係正式法官, 通常係某 d 資深大狀得到司法人員推薦委員會 (Judicial Officers Recommendation Commission) 嘅推薦而獲行政長官特別委任為高等法院原訟庭法官 (區域法院及裁判法院係無特委法官嘅). 一般 Recorder 任期為 3年, 每年最少做 3 星期官, 期滿可續任, 每次3年.
Eg. 駱應淦特委法官 - 駱應淦資深大律師喺 1/12/97 被委任為特委法官, 並在 2000, 2003, 2006年獲委連任. 現屆委任期至 30/11/2009期滿. 唔使聽審時佢做番大律師幫人打官司.
各級法庭嘅法官, 暫委法官, 特委法官, 都依法 (第4章高等法院條例 / 第336章區域法院條例 / 第227章裁判官條例) 有權行使該級法庭法官嘅權力. 暫委 / 特委同正式法官權力上並無分別.