✔ 最佳答案
係咪即係一邊係椰棕，一邊係太空棉果種？
如果係，你咪瞓椰棕果邊囉！
呢種叫冬暖夏涼床褥
不過３吋床褥唔夠的，我試過買金美夢９吋，二千幾，獨立彈弓，朝朝瞓到腰骨痛！為左我老細（老公）著想，驚佢返工唔夠精神，用左一個月忍痛送左比朋友！我都試過好換呀！買果時就話１０年保用，乜乜物物，到我打去佢地公司，有個男人話，叫我加多張床褥係面囉，冇得換架（有冇攪錯！）
佢同我講，保用內容，係唔包呢樣野喎－－＞太軟！！！！
所以你自己最好問清楚包唔包呢樣野先買啦。
我行勻好多間，Ｄ保用內容都係差不多，冇保你（太軟）有得換架。
跟手買左張ＳＩＮＯＭＡＸ６吋，４０００幾，諗住貴Ｄ有Ｄ保證啦，同埋以前用過佢張２吋，都好好用，好好瞓。
加埋之前買左張獨立彈弓，所以買另一種類嘅，希望老細有覺好瞓。點知......都係一樣！
我ＳＥＮＤ過ＥＭＡＩＬ去ＳＩＮＯＭＡＸ，講左呢個問題，係冇回覆的！
到最後，都係冇得換。
我覺得你可以試吓，如果有得換就最好啦～
加錢都未必肯換比你，何況依家要減錢喎！
如果都係唔得，唯一方法係去ＳＩＮＯＭＡＸ到買番一張一吋半嘅床褥，因為我以前用過，唔知點解佢仲好過我依家用緊４０００幾果張，你要問吓佢要買只唔焗身果種，我依家果張就係好Ｑ焗身，我老細朝朝起身都好似係ＳＡＮＡ房走出嚟咁款呀，陰公！！！！
2009-06-30 08:43:05 補充：
佢話唔可以反，係因為太空棉唔疏氣，就會好焗，然後就會死實實架喇！
但係你唔試一次，唔知另一邊你啱唔啱！你試一晚反轉瞓，睇吓可唔可以幫倒你？如果ＯＫ嘅，你咪轉咗佢瞓囉，咁樣就可以唔需要攞番去換！不過你要放棄唔瞓太空棉果邊啫！
