steventtw20兄，我有兩條問題想你答。

k100兄點名要小弟答，小弟梗要講幾句。樓主第一個問題唔係好難答，因為依家美國其實唔係好似以前咁係全球各地都有駐軍，依家海外美軍主要集中係伊拉克、南韓、日本及歐洲。美國係日本或歐洲撤軍其實影響唔係咁大，因為已經無左蘇聯既威脅，中國雖然對日本有敵意，但未至於即使同日本全面開戰，所以問題唔大。反而美軍係伊拉克同南韓撤軍就有大件事發生。如果美軍撤軍，幾乎肯定伊拉克會爆發內戰，甚至伊朗及以色列都會入侵或係背後支持各友好勢力係伊拉克內戰中爭權。內戰結果肯定唔會好，應該會再出現一個好似薩達姆之流既獨裁者，咁樣伊拉克好大機會會好似以前咁樣。
至於南韓，如果無美軍存在，北韓入侵既機會都幾大，不過都只係幾大姐，因為北韓自己完全搞唔店，金正日會唔會咁博一舖實在係未知之數。但長遠黎講北韓肯定入侵，因為統一朝鮮半島係北韓既立國基礎之一，而且佢長年醜化南韓，係理論上佢必須消滅南韓呢個“非法”政權。
如果美國無獨立過會點﹖首先小弟認為美國一定會獨立，就算唔係1776年，最遲都會係二次大戰之後，因為呢個係必然既趨勢。美國最初只有東岸十三州，但勢必愈來愈大，而國力亦一定會因為長年既工業化而大幅增長，跟住英國又因為必須係歐洲爭霸而導致國勢衰落，所以美國獨立只係遲早既問題。
就算美國唔獨立，亦唔會真係比英國全面管治，即係唔會好似97之前既香港咁由英國派一個總督去管晒成個美國。唔獨立既美國既情況應該會好似依家既加拿大或澳洲，只係認英皇為名義上既元首，而且會繼續留係大英國協之內，但實際上國家既運作會由一位民選既總理負責。由於美國肯定唔會比英國直接管治，所以美國有無獨立都對佢既國力無咩大影響。

2009-06-23 21:26:10 補充：
樓下heihei兄講左一個極少有人提到既point，就係美軍對外軍事行動對國際政治既正面影響。無錯美軍係打過好似越戰及伊拉克戰爭等不義之戰，但美國亦曾出錢出人出裝備去消滅納粹、日魔，幫助弱小既科威特及沙地阿拉伯免於薩達姆既蹂躪之下。其他一小行動如索馬里打軍伐及依家打海盜就更加唔駛講。好少人講，即使係好似越戰呢場錯到離譜既戰爭，反對美國最高領導最緊要既其實正正係美國人自己，可見美國人係有不錯既道德水平。總好過大陸用坦克屠殺完手無寸鐵既學生哥都唔夠膽認。

2009-06-23 21:30:45 補充：
依家啲人之所以反美好多時係因為佢地對歷史既無知或好簡單既完全忘恩負義。佢地只睇到美國強大既表徵，但對美國真正強大既內在原因，唔係極度膚淺就係根本無知。呢啲人唔明白，美國打仗好少係為左得到更多土地或權力，好多時係為左一啲國際政治既共同利益而戰，至少美國管治高層多數都有呢個想法。唔理佢成功或失敗都好，將自己國家既軍隊貢獻於咁崇高既理想始終都係值得尊敬。

2009-06-23 21:37:21 補充：
鐘意反美既朋友聽到或睇到以上既意見當然相當扯火，但請呢類朋友問自己一個好簡單既問題，點解出名剛毅既阿拉伯民族同其他國家係海灣戰爭中會自願以美國為盟主，當中甚至包括以色列幾十年既死敵敍利亞﹖一向封閉既沙地阿拉伯點解會中門大開比幾十萬盟軍駐紮﹖除左因為美國係世界第一強之外，佢興正義之師，誓要將暴虐無道既伊軍趕走既偉大理想係令世界各國連成堅不可摧聯盟既核心價值。古人教落﹕“王道之師，莫之能禦”，呢啲係幾千年顛簸不破既大道理。

民主 - 美國攪到南斯拉夫一個國家變幾個國家, 人人都做主?.
自由 - 美國出兵解放伊拉克,令伊拉克人重拾自由?.
人權 - 美國重兵阿富汗人去尊重人權, 阿富汗人感激萬分?.
現在有那些國家境內有美軍注守?.(美其名保衛.目的是要控制該國.得到利益)
===
美國佬叫做(順我者昌.逆我者亡)..大家有目共睹..
==
國內及香港的一小群被人利用了的人.大家切勿內訌.想做亡國奴嗎??!!

其實steventtw20兄所講很全面,不過我自己有些地方希望可以大家再討論一下

首先討論歐洲情勢,在今天蘇聯已經瓦解情形下的確威脅已經下降了,不過唔代表真的沒有威脅歐洲火藥庫巴爾幹半島,一樣在沒有蘇聯威脅情況下發生內戰,當時結果要等到美國為首北約發動大規模空襲才最終妥協

以上我地可以知道歐洲發生戰事時,其他歐洲國家根本做唔到調停人角色,原因唔係佢地沒能力去做而係佢地身份,或者根本唔願意去做,德國因為受到二戰罪惡感所以絕不希望參加歐洲紛爭,法國人由一戰到越戰都可以知道佢地參與斡旋調停等有幾"熱心",英國根本上除了對自己有利情況下或者有美國為首情況下再會參加,在以上幾個歐洲軍事強國都不會主動參加軍事行動情況下其他歐洲小國又會做得出什麼呢??

所以大家都好清楚作為一個經濟體系歐洲的確非常強大,不過作為軍事調停者或者保護者,歐洲各國只會各國自掃門前雪.......

說回伊拉克等地中東情況,大家仲記唔記得當年伊拉克係點入侵科威特??

當時科威特被伊拉克入侵,伊拉克宣布吞併科威特當時其他中東國家人心惶惶,不但沒有能力阻止伊拉克入侵科威特,連自己安全自保也成為問題,結果又要美國人出手了

無論係歐洲中東等地,每當戰事發生時候身處當中國家根本只會坐山觀虎鬥唔會作出調停,現在伊拉克游擊戰炸彈襲擊時有發生,混亂情況亦唔係一般伊拉克部隊及警察可以控制,係甘情形下美軍撤出又會有什麼後果呢??

說完歐洲,中東就說回我們最關心亞洲,現在亞洲在韓國同日本都有美軍駐守,以前蘇聯時期美軍亞洲駐軍以防範蘇聯為目的,不過現在蘇聯已經瓦解點解亞洲還要有美軍駐守呢??首先說說南韓同北韓,南韓人口是北韓好幾倍經濟更加是北韓幾十倍,不過南韓有一個致命弱點,就是佢地首都距離北韓邊境只有數十公里,當年韓戰發生漢城(今天首爾)不足3天就失守了,所以即使南韓有能力同北韓力抗傷亡也一定很慘重,所以美軍存在就變成一個好重要威嚇力量,雖然戰事發生時當地少數美軍可以發揮作用有多大還是未知之數,畢竟還是有好過沒

日本係現時亞洲中有最多美軍國家,蘇聯威脅沒了不過現在中國威脅對日本可能更大更威脅,日本由二戰後同中國人民關係一向不太好,更可以講得上有敵視情形,雖然中國軍力及不上蘇聯不過在仇視日本情況上就比蘇聯更有威脅,在南韓雖然大美軍駐守不過因為南韓地理形勢上,變成同戰事不利所以美國就把日本變成亞洲最主要防線,成為南韓及台灣後盾

由台灣同南韓防守政策不難發現他們對美軍有多依賴,台灣陸軍基本上只有少數舊式坦克,他們根本沒能力阻止大陸軍隊登陸不過如果要守衛台灣重要設施三日卻是有可能的,台軍同南韓軍政策就是希望守衛本土一星期左右直致美軍到來

現在說說重點了,亞洲中有核武國家不少,當中以最近發展核武北韓最難控制,雖說發生核戰可能性不高但也不能否定會發生可能性,我想問問以台灣,南韓及日本陣營上如果沒有美國防衛支持下,他們有什麼反制中國,北韓及俄國威脅呢??

在親美陣營上一般認為日本是有能力製造核武,而南韓同台灣是有能力發展核武,如果沒美國守衛不難想像當中有其中一國會發展核武,不過大家想想以上日本等國如果公開發展核武對亞洲形勢會有什麼影響??中國,北韓反應會怎樣??

作為一個會使用"武力"調停者美國可能做得不好,不過大家有真的想像過美軍在全球撤軍情況嗎??

在歐洲,中東,亞洲有大多數國家根本就以美軍作為國防支柱,一來有不用錢軍隊防衛(軍費是美國人自己出的),二來又有美國經濟上支持及基地租金周邊收入何樂而不為,現在世界各國已經接受了美軍作為世界警察呢個角色

美軍全球撤軍其實最大得益者是他們美國人自己