通勝未出點擇日?

所謂通勝擇日，有人以為是只看通勝所列的宜忌，取「宜嫁娶」的日子，有些老人家會選擇「紅色多」的日子。

但其實通勝擇日，是取吉課日（結婚日）的干支（例如今日是丙申日），決定對新人雙方八字（或加上雙方父母八字）是利還是不利，再根據通勝所列的建除十二日神（即建日、除日、滿日、平日、定日、執日、破日、危日、成日、收日、開日、閉日）來決定是否適宜結婚（通常不會在破日結婚）。例如梁朝偉和劉嘉玲在「平日」結婚，相信是取其「滿而後能平」之意。

如果你所說的通勝擇日是前者，則沒通勝是辦不到。但這種擇日方式，我認為結果與隨便揀一日的結果無大分別。你倒不如揀一日方便大家的日子好了。雖然我懂得通勝揀日和天星揀日，但結婚時還是沒有擇日，只選一個大家得閒的日子，因為「好運唔駛擇日」。

若果你所說的通勝擇日是後者，則不需通勝，只需一本萬年曆，以定吉課日的干支。至於建除十二日神，可由吉課日所在月份的月建計算出來，例如今日6月20日是庚午月丙申日是「滿日」。若果用這種方法擇日，一係你識，一係你俾錢給懂的人擇人，唔駛憂心。見到一些運滯新婚夫婦，俾錢 D 唔識擇日既人擇日，這是大家不想見到的。

如果你揾專人擇日，佢哋都已經可以幫你擇到架喇！而揾專人擇日就真係幫你哋擇出專屬你兩個人嘅好日子．我結婚時係個朋友介紹個Wedding Planner幫我搞咩所有嘢嘅，擇日都係佢幫我手，而且仲一D都唔貴，佢好好架，你email問問佢啦，我都介紹咗比唔少朋友架．email: [email protected]

其實依通勝擇日，只是大路的擇日辦事方法，而結婚咁大件事，則最好是根據雙方的生辰八字來擇日，因為就算某些日子是吉日都好，某些生肖的人都是會沖犯到的啊，如通勝未出，建議寧可花少少錢比人賺，請專人擇日啦，結婚都係一世人一次（望都咁望啦！），而且都係有限錢唶，如果因為慳錢而自己擇日，若果搞錯D乜野，咁就成世架喇，你話係唔係？