蒸肉餅和蒸水蛋需時 ?

味蛋蒸肉餅
材料
7 兩 免治豬肉
2 隻 鹹蛋
3 隻 雞蛋
0.5 杯 水
1 條 蔥粒
調味料
少許 鹽
1/2 茶匙 糖
1 湯匙 生粉
1 湯匙 生抽
1 湯匙 水
1 湯匙 油
少許 胡淑粉及麻油
烹調方法
1. 免治豬肉加調味料拌勻, 醃10分鐘,
2. 將鹹蛋黃及蛋白分開, 鹹蛋黃切粒, 蛋白與雞蛋及水拌勻.
3. 將免治豬肉與蛋汁拌勻, 倒入一深碟內, 面放上鹹蛋黃粒.
4. 隔水蒸20分鐘, 撒上蔥粒便成.

蒸水蛋
首先打勻 2隻蛋，混入蛋液比例 1.5 倍凍滾水，打勻備用。
於鑊中放上蒸架及水，上放一隻空碟，待水大滾時，打開鑊蓋，倒蛋液在碟上，蓋上鑊蓋，對鐘，大火蒸兩分鐘後熄火，勿開蓋，待 20分鐘後打開蓋便可上桌，淋少少麻油及頭抽便可。( 你也可在蛋液內加入蔥花，蒸出來更香。)

蒸肉餅...................

1..........調味時一定要有水，生粉，油。
2..........蒸時，要用鑊，水滾放入，時間冇得用故計，要視乎你碟野厚，薄.................唔係重量。 你蒸 5 分鐘後，打開睇下，碟肉熟到咩情度，就知要再蒸多幾耐，熟既肉餅係會碟底有水份，收縮離碟。但水唔會好多，用電飯煲蒸係會好多水既，因飯熟後，會有倒汗水滴返落碟肉到。

蒸水蛋...........................

1..........一份蛋 ，用兩份水 (蛋有大，細隻之分，所以唔可以話幾多隻蛋，落幾多碗水)，( lee 個份量，係我經過好多次實驗得出黎既，會好似豆腐花咁既滑度，如果你鐘意實 d ，可減少 d 水。但如何放肉碎，亦要減水份，因肉會出水。)
2............蒸時要用鑊，水滾放落，睇著佢，見水滾返起，用一隻筷子放係鑊同蓋中間，作用係放咁 d 蒸氣，唔俾佢大滾，大滾會好似蒸鬆羔咁發大，又坐返底，蛋面就會有好多洞，即好老，同時轉中火蒸。時間就要睇你碟蛋有幾厚，就好似肉餅咁，熄火後，唔可以蓋著。

睇時間反而不太準
蒸肉餅只要睇有多少水份在肉餅上就好
因為唔熟, 一定無水份
蒸水蛋也差不了多少
我介紹妳一個簡單的方法:
蒸水蛋之前,先用保鮮膜包起來
不要漏氣,
這樣不用大火,亦不用小火
用中火蒸就好
亦不用睇時間,蒸到水蛋把成碟蛋左右擺都不動就熟
但凡煮食,用直接火去煮甚麼都不滑
想滑就一定要用間接火去煮
上生粉在食物面之後再煮都是同一道理