家有一貓, 想多買一隻狗, 相處會否有問題?

我覺得貓狗並唔一定係世仇囉！
好似我有個朋友，佢屋企有三隻狗、兩隻貓貓﹝彼此入門時間不同﹞，有時其中一隻貓貓會瞓係一隻狗肚腩度tim，而另一隻貓貓，雖不至於同狗狗瞓，但都相安無事。又唔會特登去fee啲狗，只不過隻貓係比較cool啲，所以，千祈唔好話有貓就唔養得狗，呢啲主要睇佢地各自ge性格，同主人點樣教啫。人同人之間都有唔妥啦，係咪﹖
總之記住一個法則，舊ge永遠係大，所以佢行就行先，玩就玩先，食野食先，俾你鍚、抱都係佢先，之後先到新ge，咁樣，舊ge貓狗會覺得新ge無威脅，慢慢就會接受新ge，繼而可以相處到相安無事囉！
咁…當然係同種易較啲喇，即係貓同貓、狗同狗，咁唔同品種ge你當然要俾多啲時間、愛心，去令佢地接受對方囉。
你隻貓貓平時都好細膽的話，如果你可以選擇的話，建議你搵細狗﹝細狗唔等如狗BB﹞，咁係體形上唔大得太多，你貓貓都會較易適應到。睇住佢大，同一開始就龐然大物，係兩種完全唔同ge感覺嫁，明唔明﹖
目前我都暫託緊兩貓兄妹，嗰哥哥又係超細膽，佢好驚我某一個家人，佢返親嚟，貓哥哥都會以九秒九速度衝入房，但日子有功，而家貓哥哥都會邊警戒、邊係嗰家人身邊食野。由最初要距離十尺，而家距離一尺﹝但唔可以摸﹞都接受到。
總之唔同物種﹝貓、人已經係唔同物種﹞，俾ge時間同耐心要要長啲，知嗎﹖千祈唔好諗住一步登天，熱情如火，咁係無可能ge，我個case用左十個月時間，你先要問下自己肯唔肯花呢啲可能ge時間，再決定下一步點做啦！

我自己都試過狗+貓..
1)唐貓+北京狗...超級FRIEND, 貓貓幫狗LAM毛,幫狗狗上枱面偷野食..AND 一齊玩一齊SLEEP...
2)唐貓+貴婦.... 和平, 不過唔會一齊玩.. MAY BE THE CAT IS OLD (6-7 YRS O).AND THE DOG 太活潑.... 但河水不飯井水果隻LOR.....
總括..我估計大多數CAT AND DOG 都可以共存.. 但會唔會一齊玩就無得估LOR...要一齊生活先知喇..

比熊和貴婦都算溫馴的品種
我朋友們都有貓狗共處融洽
最厲害的是有4隻金毛一隻貓都相處得很好

貓咪對環境改變確有點抗拒
但時間可以讓他習慣適應的
依你所說,你家的貓本來就是個性乖巧
只要你把新狗狗帶來後
不要讓貓咪感覺被家人主人忽略
貓咪自然會接受
祝福你! =^__^=

貓狗是世仇，　９０％是一定會打架．
主要是貓會反應十分大，牠覺得寵愛被分去了．
無論多溫馴多乖，都要保護自己的．