健身奶粉對身體會唔會有幅作用?

呢個都係好熱門的問題呢。

首先，健身奶粉只係營養，主要成份係蛋白質，亦有部份會加入碳水化合物，維他命等等，不過總之都只係營養，等同你食好多食物，主要目的是幫你增重。

但如果運動量不夠甚至不做運動，身體就不需要咁多蛋白質了，就會變成蛋白質過剩，於是要肝臟處理過多的蛋白質，再由腎臟將產生的廢物排出體外，變相加重這兩個器官的負擔了。所以食增重粉或蛋白粉一定要配合足夠運動，否則不如不食。

而且健身奶粉都比較熱氣，要多飲水，多食生果平衡返，否則容易爆瘡。

再者，有部份人腸胃唔係咁好的話，飲健身奶粉會搞到肚瀉或消化不良的，呢點亦要留意。

還有，健身奶粉一定要配合運動的，否則齋食只會肥，唔會大隻，而且健身奶粉只可以視為輔助，正餐才是吸收營養的最佳方法。

我一般只會建議運動量夠大的人 (唔理係做健身定其他運動都好)，才飲用健身奶粉的。

年齡方面，由於健身奶粉只係營養，理論上無特別的年齡限制，不過都建議 16 歲或以上才飲用吧。