買Canon500D好定Olympus pen P1好?

兩部機既取向好唔同.
500D係一部入門級數碼單鏡反光機.對拍攝照片方面比較照顧周到,但係拍片就只可以算是附加功能,冇自動對焦,而且機身比E-P1笨重.
E-P1則走輕巧路線,如果配佢出既17mm餅鏡,應該可以放入大褸袋當作隨身機.但係要輕便變咗有啲功能要削減,例如冇內閃,配外閃就有失輕巧的意義,冇觀景窗,原廠觀景窗只適合17mm餅鏡,而且外加觀景窗也失去輕便意義.
雖然可以兼容4/3系統鏡頭,但係機身咁薄又冇觀景窗,下下要用Live view,配長鏡穏定性好差,下下出腳架又變咗唔夠輕便,失去咗用咁多錢買輕便的意義.
其實如果你真係有興趣乜都影下,我建議唔好淨係買E-P1.佢比較適宜做一部高質隨身機.最適合配餅鏡用來隨身snap shot.
最理想當然就係兩部都買,一部用來正正經經影相,E-P1就用來做隨身機.如果淨係買一部,我建議都係買500D好啲.除非你只係同朋友影下合照,唔駛點用長鏡.
仲有一個建議係買部4/3系統既大機例如E30再加E-P1,咁佢地既鏡頭就可以互用喇.
以下網頁有兩部機既規格.
http://www.dcfever.com/cameras/database.php