如果要講一場二戰中最可歌可泣的戰役

炮兵兄真係好，成日都有咁多有趣既問題可以比小弟吹下水。可歌可泣係好難界定既事，不過小弟唸左一陣，有幾單野真係絕對係可歌可泣，當年小弟睇相關記載時真係有啲眼濕濕。
第一單係1939年德軍入侵波蘭時，波蘭騎兵隊既悲壯故事。當時波蘭陸軍只係一支落後部隊，主力仍然係騎兵，當佢地面對德軍裝甲師既鋼鐵怪獸時，呢啲騎兵仍然全無所懼，抽出馬刀向德軍坦克發起全面衝鋒！最後血肉之驅自然敵不過殺人機器，但波蘭騎兵既勇氣到70年後既今日仍然深深震撼人心。
另一單都係同波蘭人有關，就係1944年(定1945年﹖)既華沙起義。當時蘇軍已打入波蘭，已經係華沙隔離，華沙城既愛國志士一聽到有救兵到，就立刻起義反納粹。佢地以為蘇軍會幫手，點知史達林呢條賤種竟然袖手旁觀！原因好簡單，因為華沙義軍唔親蘇，史達林想係戰後控制波蘭，自然唔會幫手。終於，一群勇敢既波蘭人就係少量武器既情況下，同有裝甲師支援既德軍周旋左成個月，最終全部被殺。
中國抗戰亦有大量悲壯既故事，其中衡陽同常德保衛戰係當中既表表者。衡陽係東南大城，1944年時係美國飛虎隊既重要機場所在地，日魔經常想除之而後快，所以發起“一號作戰”，一定要將呢個城硬攻落黎。當時城中守軍不多，好似得幾百人，面對日魔潮水式進攻，佢地從無退縮既唸法，戰至最後一兵一卒。常德既情形都係差唔多。雖然兩城最終都被日魔佔領，但兩地守軍既英勇事蹟永遠都流傳後世。
另外，係1943及1944年，中國都組過遠征軍去緬甸打日魔。其中有數千國軍老兵戰後被迫流落中、泰、緬邊境地區，有家歸不得之餘亦被迫客死異鄉，到依家好似仲有少數人仍然未能返國。
仲有幾單野同空軍有關。捷克都係納粹入侵既受害者，但捷克空軍既英雄們即使國破家亡都繼續反納粹，係唔同地方用佢地少量又嚴重落後既戰機同現代化又精銳既德國空軍對抗，而且有唔少戰果，實在令人敬佩，而波蘭空軍亦有類似既事蹟。我國抗戰早期係未有美國飛虎隊幫助之前都有少量戰機同日魔空軍對抗，其中高志航駕駛一架一戰時期既老戰機都贏左幾次，最後壯烈犧牲，死後被國民黨追封為少將。
中途島大戰係人都識，但通常啲人都只係留意到美國大勝既輝煌，好少人留意美國陸航(當時戰機歸陸軍管)英雄視死如歸既壯烈。其實當日由中途島或航母起飛既美軍戰機及俯衝轟炸機有好多個批次，但頭幾個批次比日魔空軍全部消滅，但美軍英雄們無放棄，佢地仍然堅持由中途島或航母上起飛去打日魔艦隊，最終都將日魔四艘航母及一艘重巡擊沉，當然呢個批次既部隊都傷慘重，但佢地不屈不撓及視死如歸既精神終於都將整個戰爭形勢扭轉。
除左美軍有英勇既飛行員之外，英軍都有唔少。係1941年，英國為左對付俾斯麥號戰艦出盡法寶，最後係靠無懼既魚雷機飛行員先至搞得店。當時英國既魚雷機叫劍魚式(Swordfish)，聽個名好似唔錯，實際上佢只係一架由布、鋼線及一個小馬力引擎組成既一架脆弱雙翼機，而且武裝只有一支魚雷及一支有等如無既防空機關槍。當時由航母上起飛既劍魚機完全係自殺式咁向住德艦衝去，為左有良好既攻擊效果，嗰幾架機要冒著極密既防空炮火飛得盡量近，有個當時參與攻擊既飛行員仲話坐佢後面個槍手仲要爬出機艙，成個人倒吊係半空黎提示佢幾時係投彈既好時機，最終呢個唔要命既冒險完全成功，魚雷打壞左俾斯麥號既舵，令佢只能原地打轉，於是英軍後來既戰機及戰艦就立刻將佢擊沉。

德國勁過日本!!!!!!!!!!!!

衛國戰爭的敵後遊擊戰算不算是可歌可泣? 其中蘇聯女英雄卓婭, 係參與一場焚燒德軍馬廄既行動被捕後, 被德軍嚴刑拷問下寧死不屈, 被上吊時仍大喊其他人民繼續奮抗德軍, 年青女子拋下幸福投身抗敵, 實在令人動容

2009-08-07 13:20:50 補充：
如果看過 < > 反抗軍 這套電影, 我諗大家都會對 衛國戰爭的敵後遊擊隊員 的奮戰不懈 感動落淚, 佢地連一日三餐隨時都要煩

平型關大捷,使被稱為(不可戰勝)ge日軍輸了,因為當日軍囂張長驅直進到太原時,未曾遇到有力抵抗,係極不對稱的情況下,八路軍係平型關殲滅一部敵軍,大大加強人民抗日的鬥志.
後台兒莊大戰,又一次打擊日本侵略軍的大戰役,大滅了日本帝國主義的威風.這兩戰役,改變了中國,為日後長久抗戰,打下了強心針.

Steventtw20所舉之戰例是當事人自發而取得的戰果。與樓主所講之硫磺島及史達林格勒兩個戰例來說完全不同，該兩個戰例是主事者用訛諞或各種手段迫出來，當事人可說全無選擇。論事件層次，就當然以Steventtw20所舉之戰例層次較高。

聽講二戰時德軍把二百萬俄軍戰俘殺死