因偷了公司錢,上庭前有問題想問

其實樓上位大大都答咗你, 但我見你好有悔意, 都多口講多少少意見俾你參考啦.
1. 你身為收銀, 但分幾次偷公司錢, 可被視為違背公司信任 (Breach of Trust)及有預謀犯案, 係加刑因素 (aggravating factors), 會令你判刑較一般偷嘢 (例如: 百貨公司偷嘢) 嚴重. 幸好你金額不大. 阿警察叔叔講得啱, 而家香港每個囚犯每日使政府 $683, 你好大機會唔會 "正式" 坐監...
2. 事實上, 求情信一般作用不大. 係人犯案後都話後悔... 但聊勝於無.
3.你肯還錢公司, 減低 / 彌補公司損失, 係一個好好嘅求情理由. 除咗警察叔叔所講之外, 你可在上庭前寄封信俾控方, 講佢知你肯還錢俾公司.
4. 小弟個人意見, 只果你即時認罪慳番法庭時間金錢, 肯賠錢兼有悔意, 你極大機會唔會正式被判入獄, 而會判社會服務令.
但係, 由於你有 aggravating factors, 個官好有可能會在攞社會服務令報告期間拋你入拘留所14日等報告, 等你嘗吓坐監茲味, 下次唔再犯, 但又唔係正式判你入獄.
註: 你少不免會有案底. 但唔使太灰心, 可以洗底嘅:
根據香港法例第297章<罪犯自新條例>第 2 條, 如果你犯左刑事法而留有刑事紀錄, 但符合以下的所有條件:
1. 就該刑事罪行的判罰為不超過三個月的監禁, 或不超過港幣一萬元的罰款; 及
2. 以往未有觸犯任何刑事罪行而被定罪; 及
3. 被定罪後的三年內沒有再觸犯刑事罪行被定罪.
則可以不向外披露其刑事紀錄, 以及該刑事紀錄不會成為你被排除於職位, 專業, 職業或受僱工作的合法或正當理由.
但請注意: "罪犯自新條例"只是讓犯事者在符合規定的情況下合法地不披露其刑事紀錄, 而不代表其刑事紀錄被銷毀. 刑事紀錄是不會被銷毀的, 而是會永久存於警方及法庭的紀錄之中.

這個情況真係要睇個官點判，我假設你喺第一次，亦喺最後一次，如果你以前喺有刑事案底就麻煩，無案底的話就好好多。
先解答你的問題：
1／ 阿sir講得都無錯，你又唔喺大奸大惡，你有悔意態度又良好佢都想幫你。
2／ 你的同事和上司的求情信肯定有D幫助。
3／ 把金錢已歸還給公司亦是一個減刑的好理由，有幫助。
我覺得你而家要做喺把金錢歸還給公司，承認控罪，好好同警方合作，在法官面前表示悔意，減少警方同法庭在處理你的案件的時間，我好相信你未必要坐監。
可能性有二：最輕者社會服務令，較重者判監但緩刑唔駛坐，但應該都有案底。
我覺得你不用太擔心，從此改過不再犯便是。