我可以點做?

我在前幾天上午接到阿爸的電話,要我陪佢落街飲茶,我不肯(有種抗拒感),之後佢唔理我講咩就硬係要我落,我唯有服從。之後冇過幾分鐘,又打電話嚟話佢身分證到期(我個張都差唔多到),就要我即刻著衫落去,我份人最憎突然之間要做呢樣個樣,就同佢講可唔可以第二日去換,同佢講咗一陣,佢就發火(佢發火好恐怖,雙眼通紅,爆哂血絲咁睜大隻眼,把聲又大到好似打雷咁,之前重試過嚇哭一個補習社老師）可想而知，佢即刻ｃｕｔ我線，收線之前話叫我執定衫，番去住（我同佢唔係一齊住），佢次次一發火就沖上我屋企罵人，當時我好驚，唔想面對佢，攞哂野落街想避一避，身分證都就咁扔在桌面，但我媽叫我留係屋企，我信佢。過咗三十分鐘之後，佢個樣真係嚇到我暈，二話不說就叫我執衫，一件都唔好留，以後都唔會返呢度。我忍住唔驚，就一路執一路勸佢，點知都係比佢嚇、罵哭咗（佢次次罵哭我先肯收手）佢先至大大聲話唔好再犯，我拿毛巾洗瞼，但哭完之後眼會腫，佢都要迫我落街食野，佢又著住拖鞋一路行一路當街罵我，啲人都望住我地，最令我尷尬既係佢矮過我。
食完之後我自己番屋企，心諗咁大個人都未比人當街罵過，重要路經一個好多人的巴士站。當晚我就口出狂言同其他家人笑著說講阿爸啲壞話（我講佢係因為我唔想自己咁唔開心）之後家人罵我話我冇禮貌，我都冇在意，只係心中多咗條刺。
第二日，佢叫我換身分證，我就準備好哂啦，但係就發現唔見咗張身分證，找遍整個桌面都冇，佢嚟到又發脾氣，我唔想又比佢罵就問補發一張要幾多錢，佢就罵我話六百元，我都係想息事寧人，佢又罵你死都要搵番張身分證出嚟，我搵極都搵唔到，佢就罵我玩對抗，行到門口出面睜大佢恐怖既雙眼「啤」多我一陣又再話我玩對抗就走咗。
我當時好擔憂同驚，就打比家人以開玩笑既口吻同佢講，佢又罵我唔好以為自己係屋企既地位好高，我地只不過就住你係細路，我地唔係好似你咁咁得閒，我地都要做野，唔好為咗你個啲「小事」嚟打比我地，又話我累街坊就掛線。佢係由小照顧我到大的家人，我估唔到佢會講埋啲咁既野，我即時哭咗出嚟。為表示我真係唔係玩對抗，我將自己平時亂七八糟的東西都整理一片，廢紙執哂出嚟，之後唔覺意比我見到桌上被一塊布蓋著既野——身分證！
我即時打比家人，佢冷言冷語，好似唔緊張我咁掛了線，我又打比我媽，佢話我咁做，而家全世界都諗我玩對抗（我想係我同佢地講既野有關係），之後佢又講：「我都覺得你係玩對抗。」佢叫我打比阿爸，我打過去話我搵到啦，佢唔出聲，又ｃｕｔ線，我再打問佢得唔得閒，佢話以後你啲野唔好同我講，同你阿媽講。就收線。
我知道我有錯，我知道我講啲野令人誤會我未知錯，我真係冇玩對抗，而家圍繞著我既家人都唔理我，冇人同我換身分證，
我可以點做令佢地恢復番以前咁信我？