龜龜用的暖管同暖燈一問~!!!

1. 其實將暖管放入水度，用人ge手放入水會唔會感覺暖架 (因為我放隻手落水唔覺暖，但溫度計又話有29度以上喎)?
人體體溫係35-36度左右~
而水溫只係29度的話,
你可能會感覺到有少許既暖,不過一定唔會係好暖果隻!!
由於水溫低於人體,
正常黎講係唔會感覺到暖意~
呢樣野我記得好似係科學堂教既~
由於人既手其實經常接觸唔同溫度既物件,
所以好難對水溫有任何猜測,
而手臂反而係最少接觸物件既,可以試下將水放落手臂測試~
市面水族用既酒精溫度計都唔係好準確既,
網上有師兄都已經提出過,
最好改用電子溫度計,會比較準確~

2. 我之前買左支紫外光燈連光管，但好似買錯左，而家想買過，咁我可唔可以只係買支新uvb光管，然後將支新uvb光管插返落去買錯左ge燈座度，得唔得呢 (會唔會唔岩位架)?
市面暫時好似係無uvb or uva既光管~
只有uva or uvb燈膽,
所以你應該需要全套買過~

3. 成套uvb燈約幾錢呀? 就咁uvb光管又約幾錢呢?
網上睇過二手既燈泡,
幾十蚊至百零蚊一個左右~
而成set買好似需要至少四、五百元~

4. d人話要比d鈣粉或鈣粒龜龜食，有用嗎?
鈣粉鈣粒,只係於龜隻有病or唔食野時使用,
日常最好唔好用,
因為聽講有朋友用龜鈣當糧餵,
最後隻龜只食龜鈣,咩都唔食,
咁樣係缺乏好多營養,最後結果多數係死亡~
龜鈣只要係龜隻病或唔食野時,
向龜隻提供鈣質同少量既熱量,
令佢地不至於無野落肚~
不過效果,我個人覺得係無用,效果極差~

5. 最後亦都係我最關心ge問題，我隻龜仔買返黎有一粒白點，而家粒白點已將個龜殼上原有ge紋化成黑色及圍有黑邊......點解會咁架，我又應該點做呀?????????????
任何異常情況發生係龜身龜殼上都一定係患病,
而病徵不足,好難估計係咩病,
而遇到呢d較為奇怪既病徵的話,
通常藥物都係好專門,市面未必有得買,
最後係要去睇獸醫~
暫時估計係以下既病 :
Ａ）纖維瘤
病因：
纖維瘤是一種由纖維結締組織產生的局限性的良性腫瘤。是由病毒引起的。
症狀：
瘤體為硬結狀的突起，瘤體呈圓形或橢圓形，大小不等。瘤體位於體表時，病龜不出現機能障礙。
防治：
纖維瘤宜早期切除。若切除不徹底易復發，有些瘤體惡性質變後變為纖維肉瘤，且易轉移到內部器官。

Ｂ）乳頭狀腫瘤
病因：
乳頭狀腫瘤是由被覆上皮的真皮衍生出的纖維結締組織所形成的良性瘤。龜的體表破損後，在恢復過程中可長出這種瘤。
症狀：
瘤體的外表為大小不一的菜花狀，突出於皮膚表面。開始時，瘤體光滑，圓形，以後表面變得粗糙，堅硬如角質狀。瘤體多發生在四肢、頸部等處。
防治：
可用外科切除。切除時間宜在夏季。先將瘤體表面消毒，切除瘤體後，擦抹抗生素藥粉，並包紮。２天換１次藥。
大圍珍禽異獸寵物醫院
地址: 大圍積信街 69-75號立和樓地下 B舖


電話: 26871030

2009-06-24 18:53:14 補充：
6. 其實烏龜一日要照幾耐燈同曬幾耐太陽架?!

照燈係隨你既~
而曬太陽,夏天唔好暴曬,曬一粒鐘就放返返入黎,
曬幾多次隨個人喜好~
冬天就無限時,因為氣溫低,所以唔可能中暑,
長曬亦無問題~

7. 咁冬天無咩陽光, 又係咪要照紫外光燈耐d呢?

冬天反而多陽光啵,
夏天因為成日落雨,所以少白天~
至於冬天反而長時間都係陽光,只不過太陽升起同落山既時間遲左同早左,
曬既時段可能短左~
一般只係怕佢凍親而曬太陽,唔需要曬紫外光燈!!
而其實市面既燈係殺菌燈,非紫外光燈,否則你照一照都會出事~
太陽燈就可以多曬,係冬天~

2009-06-24 18:53:17 補充：
8. 我係一個養龜新手, 唔係太知冬天應該點照顧龜龜, 請教教我吧~!!

冬天唔需要太多打理,
- 可將龜盒放到無風既地方,最好有時會暖暖地~
- 如果可以,請裝暖管或用太陽燈、射燈,
令佢地可以溫暖地度過冬天~
- 日頭比佢曬太陽到夜晚都無問題
- 餵食就唔駛餵,冬天龜隻唔食野~
- 冬天黎前,最好將餵食份量增加,
令佢地可以有多野熱量過冬!!
- 唔好胡亂加暖水比佢地,因為水溫差異會引發疾病

2009-07-02 10:27:08 補充：
第一個問題-龜殼,
呢個我真係幫唔到你....
呢類知識除左獸醫,好似無幾多人識~

第二個問題應該係以下其中一個 :
．中暑
張開大口，呼吸沉重，流出口涎

．感冒
由張口呼吸開始，然後會打噴嚏、流鼻水，致感染呼吸道毛病

．呼吸道疾病或呼吸不暢順
張開口呼吸

．呼吸器官毛病
呼吸時發出聲音或張開口呼吸

食量大左係因為佢都長大左~