只係想知佢諗咩,不過問佢又有d尷尬

A先生同我o既關係真係好怪,話係拍拖,實際都唔似係,唔知想點~
咁o既關係只係維持o左2個月.........

初頭真係對佢冇咩感覺,
只因為3年間都好斷斷續續咁搵我約我(好似d好普通o既朋友咁),同埋msn不停send 話想同我一齊o既信息,咁就被感動o左同佢一齊,
本人係覺得既然一齊o左,俾o左機會人就要好好對人同接受佢,但係一齊o左之後佢仲少過追我時搵我o既次數(電話/msn),

傾電話話題又唔多,但一齊o左我都盡量打下俾佢,始終我個人保守d覺得女仔要有份矜持,成日都係我打好似俾佢睇低咁~所以都係一時時打下俾佢~

2個月都係見過一次面咁大把!大家返工時間又好唔夾,(我返工佢收工,有時佢又要返學),佢又唔會好似我之前o個個咁幾夜都會o黎見一見我(A先生同我住同區連電話都冇個,又點會搵我wow)

唔知係因為佢依排又要返工同返學忙到冇時間定點,我咁o岩又要去另一個工作地方幫手,返o個度又覺得好吃力,係呢d時候又收唔到佢問候/安慰,心總係會酸酸地,因為覺得...自己個男朋友好似得個名咁~send SMS俾佢又冇次覆,你話點頂好wow~就係第2個月之後我都係send sms話做返朋友就算,佢......只係打過一次電話俾我,但我唔想聽,要搞成咁佢先打一個電話俾我,聽o左都冇意思~then佢都冇再搵我~

8日之後佢msn問我點解要做返朋友.........就係咁就斷晒聯絡~

究竟佢有冇真係鐘意過我?
點解佢咁樣做,有咩意思?你o地會覺得係咩原因呢?