哮喘問題, 日日都要用支藍色,抖氣愈黎愈唔順同好辛苦

我細個時已經成日抖氣唔順同好辛苦, 成日要用口抖大氣, 但係一直都冇理, 直至幾年前病左睇醫生, 果次醫生話我氣管好窄, 有氣管炎, 果次我睇左3次醫生(同一個) 到左第3次, 因為之前一晚我抖唔到氣, 訓唔到, 我同醫生講, 個醫生話我哮喘, 比左支藍色我

之後我有其它亊睇醫生( 第2個醫生), 我話比佢聽我有時抖唔到氣, 之后佢聽我背脊又話冇聲, 未必係哮喘

我好想知我D個情況係咪哮喘, 因為我D排日日都好唔舒服, 日日都有用支藍色

1) 人地話哮喘冬天會嚴重D, 但係我每次天氣潮濕, 落雨我就會抖唔到氣, 差過冬天

2)我好少咳, 但係成日都抖唔到氣

3)我好似好難先吸到氣, 要好大力同用口去吸, 吸到最尾都好似差D(吸唔夠氣)

4) 當我覺得抖唔到氣時, 個心跳得好快同好似有野頂住, 有時胸痛

5)我唔知咩係V V 聲, 但係我有時抖氣個鼻會有聲(冇鼻塞) D聲好似D笛聲, 好高音, 但係由個鼻發出

我係咪哮喘呢?