介紹我格鬥遊戲！！！(please)

由於唔知你問既係咩機既遊戲,好難答到你...
咁所以就講psp既遊戲,睇你鐘唔鐘意啦...
講兩隻我最愛既遊戲你參詳下啦...
street fighter zero 3

角色方面:

佢除左集合左舊街霸8個主角(阿龍,阿Ken,本田,春麗,印度佬,軍佬,青龍同埋蘇聯佬)之外,亦都加左唔少角色,正派角色有Sakura(阿龍既徒弟),Dan同埋Nash(軍佬既朋友),反派角色拳王M.Bison,Y叉仔,泰王沙加同埋赤木司令,特別角色如DeeJay,李小龍,T.Hawk,而且仲有其他重量級角色好似豪鬼,殺意龍,真豪鬼...,此外,亦都有十多個新增既角色俾鐘意玩街霸既朋友揀,絕對唔會悶親

模式方面:

佢有3個模式:Z-ism,X-ism,V-ism

Z-ism:

有得用超必殺技,如果果個角色有3招超必殺技既話,咁你可以選擇出果3招,用呢個作戰模式出戰的話,如果對方係空中出招攻擊你的話,你可以係空中擋佢d招,防禦,攻擊方面就一般啦

X-ism:

只可以出一招超必殺技(超必殺技由電腦設定左),冇得係空中擋對方既攻擊,防禦力比Z-ism差,但攻擊力比Z-ism高

V-ism:

佢係唯一一個冇得出超必殺技既模式,有得空中擋對方既攻擊,攻擊,防禦力一般,呢個模式既特別之處係當爆combo既時候出招果陣會double出,(例如好似阿龍既波動拳,佢出一個波動拳會變左出兩個),不過,當受左對方既攻擊時會停止爆combo

我自己係街霸愛好者,所以超鐘意玩呢隻game呀!!!

鐵拳:

呢隻game主要係仿照一d廣為人知既武術種類為賣點,(例如空手道,跆拳道,泰拳...)所以,呢隻game大部份既招式真人都可以做到,呢個亦都係同街霸既相異之處,角色方面,亦都有唔少既選擇,角色既造型都幾好,動作都似模似樣,格鬥場面,地點都幾富真實點,好似睇緊格鬥電影咁...

誠意推介你玩呢兩隻games,好好玩架,希望可以幫到你啦...

2009-06-18 19:33:55 補充：
不過Street Fighter Zero 3電腦都有出,但係鐵拳就冇...