勞工問題(冇簽任何合約, 有關ot問題)

你個問題要分開嚟講：
第一）試用期由三個月改為四個月，大家同意係冇問題，但按時間計，試用期滿係６月１日，而公司在月１３日通知你做多一個月走人，原則上你己經過咗試用期計；
第二）先講年終大假，由你上工直至７月１３日走人，你工作咗５個多月，你係有權享有比例大假，如果上工時講明有雙糧的話，亦可以按比例追討；
第三）講有薪假期，頭三個月係有假冇薪，第四個月開始係有假有薪，計算日期係用上工日計，並唔係用試用期嚟計，千萬唔好比試用期影響自己；
第四）ＯＴ同假期返工是否有錢，就一定要睇見工時點講，如果冇講明有補水，可以講係你自願加班．．．所以一定要睇見工時所講的規矩；就你所講公司話過ＯＴ會用補假形式，咁樣你應該可以追討；
最後補充一件事，當你７月１３日正式離職，所有補償計算都以你當日的薪金計算，並唔係某時某日補薪，用番當時的人工計．

再有問題協商唔到，就要去勞工署備案．

2009-06-18 10:59:40 補充：
連續性合約, 係有年假的．

年假頭兩年係每一年7日，第３年起每年加多１日，即：第３年有８日，第４年有９日．．．最多每年有１４日．

1.僱主延長試用期，而你沒有異議，已表明你已同意，所以到 5 月 1 日才正式過了試用期，現用一個月通知期解僱你，是合符勞工法例的。



2.勞工法例沒有列明超時工作應否需要補錢、補假或補時，應以勞資雙方協議為準。



3.星期日加班的補償
根據僱佣條例，這條款由僱主和僱員雙方協定。




4.法定假期補假：
僱佣條例列明：如僱員按連續性合約受僱滿 3個月，便可享有假日薪酬。
所以在 4月 1 日後，你可以享有復活節、勞動節和端午節的補假(如果未放的)，而且不可以用現金代替。




5.年假問題：
勞工法例列明：如僱員在一個假期年內受僱滿 3 個月但不足 12個月，除因犯嚴重過失而遭即時解僱外，則不論以任何理由終止僱傭合約，都可獲發放按比例計算的年假薪酬。




詳細可瀏覽下列網頁：
http://www.labour.gov.hk/tc/faq/content.htm