解夢---關乎好朋友o既關係，希望好心人幫幫忙

[匿名]

2009-06-17 10:58 pm

先講講我o既背景啦。我有個死黨c啦，我地兩個都鍾意埋同一個人h喎，我同c講我已經唔鍾意佢好多次喇，但係佢話佢總係覺得我仲鍾意佢，而佢都話佢已經唔鍾意h，但係我都覺得佢仲鍾意。事實上，我都叫自己忘記好耐喇，但係就真係唔得，亦都自問唔捨得。平時我覺得h係鍾意同c玩多d o既...但係我問過佢係咪鍾意c，佢又話唔係(不過可能係都話唔係啦)。之前我發左個夢:

係個夢入面，唔知點解人人都有自己一間屋，有部車。咁又唔知點解我d同學同我都去左一間大屋度玩。但係又幾悶，我同c同h都係出面玩nds。我見到當時h好主動同c傾計、討論，仲坐得幾近，但係我就同佢地隔左成兩個位，其實我見到好耐，個心唔係好舒服，但係我扮冇事，自己玩，好唔開心。隔左陣，我望左過去，竟然見到h捉住c手援，控制佢唔知同我say hi定係bye。h個樣好似好開心，c都笑得幾甜，但係又有d唔好意思咁...呢個畫面好震撼，我真係好唔開心，但係我都好禮貌扮冇嘢咁對佢地笑笑。但係我好快就行開左去同其他人玩，因為實在唔想再睇到佢地。
呢個夢到底代表d咩呀?我好想知自己係度諗咩，不過我覺得如果h真係鍾意c，我會放棄...就算做唔到，起碼唔好阻住佢地...

跟住，前兩日c話佢發左個夢:
佢話佢見到我同佢仲有h同另一個女同學一齊食反。食食下佢同果個女同學行開左，番黎o既時候見到我同h合唱、跳舞，跟住仲...咀，佢冇講佢覺得點，但係我覺得都唔會好受卦...

呢個夢又代表咩呢?我想知佢到底點諗...我唔想我地之間因為一個人而有心病呀...

有冇好心人可以幫幫我呀?

回答 (1)

eppie7788

2009-06-18 12:46 pm

✔ 最佳答案

兩個夢，簡單來講，代表:

妳 + 女同學 c 君 + 男同學 h 君 = 三角關係 + 互相猜忌。

似乎，這個疑似男朋友仔 h 君靚仔又好品行，十分得人心，搞到妳倆心裡心裡有個謎閉翳甚，兼且心有不甘，連書都可能隨時無乜心機溫。所以，妳會夢見 c + h 好一對艷羨佳人，還要看見「h 控制 c 的手向妳作告別狀（分手）」；而「好姊妹 c」君又反過來夢見妳跟 h 好煙韌（果然係姊妹一條心，連作夢啲內容都要咁接近）。
如斯糾纏不清的關係，長此以往，一定會造成戒締，妳自己也很明白箇中的問題，心病只因為一個男仔，影響了跟死黨的交情，影響了自己的心情，影響了妳和 c 的學業水平，代價真係唔細，妳話幾咁唔抵。
事到如今，看看以下方案，能否先跟死黨女同學 c 斟斟，但要坦誠相告，唔好再自欺欺人：
1. 你們仨一齊傾下諗計，並請萬人迷 h 講講佢點睇（表態）？
2. 你們仨繼續將友情維繫，三人一齊奮發到底，互相扶持和鼓勵。
3. 妳們倆（妳跟 c）一起撇甩 h，正所謂世上知己能有幾人？姊妹多情深，純純友誼多開心，靚仔從來唔係必需品。

👍 0 👎 0