社工課程邊度有得讀,,中5如果無一科合格是不是做不到社工

答：
1.是！中5無科及格是做不到社工的。
2.明愛，港專，城大等等...................................
3.很多機構都請社工，除了社工外還可以做教學助理，學生輔導等等...................................
4.輔導。

還有如果中5無科及格可以考慮透過毅進社會服務基礎證書=>副學士先修=>副學士(已經可以註冊成為社工)=>學士(已經可以註冊成為學位社工)。當然學位社工當然比非學位社工高級。

我是2007-2008年度毅進社會服務基礎證書的畢業生，雖然我只是完成了基礎證書現在已經有一份月薪一萬二千多元的工作，還會每年逐漸加至一萬七千多元。

P.S.
是中5無科及格，而不是中5無科合格

任何人必須獲取認可的社會工作學歷(碩士、學士、副學士、高級文憑、榮譽文憑或文憑等)，並向社會工作者註冊局取得註冊，才可使用「社會工作者」的稱號。香港現有八間大專院校提供認可的專業社會工作訓練課程，內容除了包括主要的社會工作理論、工作方法及技巧外，亦涉獵心理學、社會學、政治學、經濟學及法律等輔助學科，以協助學員分析問題成因及服務對象的需要。


若要註冊成為社會工作者，申請人必須修讀認可的社會工作課程(碩士、學士、副學士、高級文憑、榮譽文憑或文憑等)。各間院校的認可課程在學科設計和名稱分類上或有所不同，但皆包括以下必修的社會工作訓練範疇：

(1) 人類行為與社會環境；
(2) 社會福利制度與社會政策；
(3) 社會工作理論與實踐；
(4) 社會科學/通識教育；
(5) 實習指導

如果你真係打算用張無一科合格的cert去考社工，一定唔得!!!因為大學都有最低的入學要求。除非好似第二位仁兄甘講，要繞一個圈都或許有機會。真係"或者"家咋!!!

行內當然係中大最出名社工系，但係人地出名者，唔知你又合唔合人地要求呢？所以，我覺得重點係你按自己成續去選校。

明報jump逢星期三及五都有大量社福的職位，一般ngo都keep住都有請人家，原因係因為行內係project based趨勢。

社工有好多field，一般都係case, group and mass programme。當然project based的，就要睇下基金要求做d咩啦。

如果你會考無科及格，唔係話一定讀 / 做唔到社工，只係要走一條遠少少的路。毅進 -> 副學士先修 -> 副學士 / 高級文憑，呢條路都已經可以成為註冊社工，至於日後是否再進修，就視乎你個人意願同機遇。

邊間學院的評價較好，咁當然會係港大同中大，我本身在理大畢業，我覺得個課程都唔錯。但你需知道，學院的評價好與壞，同你有無能力考入去係兩樣野。如果你想容易 d 收，咁徐誠斌同港專對申請人的學術成績要求無咁高，你都可以考慮。

至於多唔多就業機會，呢個問題好難答你。雖然好廢話，但係其實成日都有機構請唔到人，但有 d 畢業生就好耐都搵唔到工，要視乎你的興趣係想入邊一個範疇工作。但如果你無特別話想入邊一個field做，咁其實要搵到野做都唔係好難。

輔導係其中一類工作，但現時未必真係有咁多時間做到輔導，因同時要兼顧好多行政及旁枝工作。具體的工作內容，要視乎係邊一個field而定，如醫務社工就會多做 medical waiving同轉介，本身唔係咁需要做輔導工作；而學校社工就除咗輔導外，都要負責校內同青少年中心的活動。所以唔同的工作種類都會有唔同的工作內容。

雖然現時好多機構都與政府編制及待遇脫鈎，好少仲會少社會工作助理同助理社會工作主任等 title請人，但其實機構對申請人的學歷都仲會有一定的要求。雖然讀完sub-degree program已經可以做註冊社工，但若果語文成績欠佳或唔及格，咁求職時都有可能被機構壓價，所以其實點都要有一定的語文水平以應付工作及機構招聘時的要求。