✔ 最佳答案
長時間開,或會縮短壽命,或者係你所謂嘅壞,電腦或其他製成品都會有一個指數叫做MTBF,意思係用幾耐會損壞,單位係小時,例如MTBF係3000小時係每3000小時會遇到損壞,嚴格講每個部件都有唔同嘅MTBF。MTBF只管參考而且假定係正常操作情況之下,例如係容許溫濕度以內等等,任何非常情況都會導致提早損壞,例如CPU風扇積塵停轉導致CPU過熱熄機等等。
電腦除咗硬體損壞外,當然仲有軟體問題,你可以將電腦睇成一間公司內嘅OFFICE,硬體就係枱椅,電腦,影印機等等,而職員就係軟體。一間公司唔係得一個人做嘢,同樣一部電腦唔係一個軟體玩哂,所以係工作,資源調配上要適宜同準時,如果有任何阻塞,所有工序都受到災難性延滯,即所謂HANG機。
早期電腦結構,早已預期有HANG機情況,所以大部份電腦都備有RESET掣,一有問題就RESET再嚟過,以往程式係儲存係唯讀記憶體內,即係ROM,ROM只可讀出,唔可以寫入,程式一旦執行唔會改變。但現代電腦程式係儲存係硬碟內,硬碟既可讀又可寫,某類程式因意外被覆寫唔同參數,將導致程式無法執行,而WINDOWS因冇責任同你監管一啲無效程式,所以做成當機,無論你如何RESET都根本唔行。
希望你能理解電腦何謂損壞,"燒"唔係一個適當嘅形容詞。