兩個夢..請幫手解夢.thanks

2009-06-17 3:11 am

第一個夢:夢到我好似平時咁行返學
那一天天氣很好,我一直向前進
跟住望下右手邊那條街,見到我中2 ge人既背影(佢都要返學)
then繼續行,佢同我相遇.當時我雙手拎住ok多野
我見到佢搬緊 4張膠椅,又拎住ok多野,但係我唔識佢
我同佢講:"不如我幫你搬d凳呀?"
佢話:"你拎到咩?" 我話:"我可以將d野擺落書包架"
跟住就好輕易咁擺d野落書包,佢俾左 3張凳我
因為佢都拎住好多野..我地就一齊搬返學啦
個夢之後點唔記得左..

第二個夢:夢到放學後,我去左一個地方,那地方係俾d報左
暑期活動既人去..我又冇報,唔知咩原因我喺度等,
我排喺最前,仲有十幾個人喺後面(佢地都有報活動)
等等下望下後面,d人已經走曬上去活動.
我唯有離開,返屋企既途中,見到一個小學同學
路上都冇咩野講,跟住我就黎到屋企
就同佢分開..(佢行我屋企附近嗰條路,佢都唔係行呢邊)
返到屋企,我阿媽話篇作文好好笑
篇作文係我一個聰明但成績一般既同學作既
篇作文寫喺一個紙杯上面,d字寫得好工整(唔似我同學d字跡)
我話:"好笑咩,唔覺" ,篇文章好高分(佢平時都冇咁高分)
跟住我就開始睇..篇作文本身係寫佢因為一d事內疚
但睇睇下..又變左寫另一樣野..一路睇..一路帶左我入去
佢作文所寫那個故事
跟住睇睇下..我發現自己置身係岩岩果個d人去暑期活動既地方
(睇完篇文真係覺得佢好勁)
原來嗰個故事係一段片,我睇唔清楚嗰段片講咩
跟住有個心理測驗..我未了解清楚問題問咩
所以我求其揀左一個選項..結果話我係一個有心既人
但我睇清楚問題後,係應該揀另外一個選項
跟住我就醒左啦

回答 (1)

eppie7788

2009-06-18 9:32 am

✔ 最佳答案

「Michelle」君提供了兩個夢，都是關於學校生活，夢中人／物有意中人、母親、同學仔、得意變形作文，等等。
第一夢：
暗示要你主動去接觸意中人，可以是藉故幫手，並非賣弄殷勤，只是該出手便出手，就如夢裡面的你一樣，唔理重定漏 bulk，咁肯幫人啲女仔一定係福慧雙修（福氣和聰慧俱修煉而達致的美善）。正所謂應做就去做，最緊要正路。第一步，比機會自己去 approach（接近）。多酷！
第二夢：
許多枝節，夢境較零碎，總之反映你跟母親的關係正面又交心，（許多人造夢單一只看見一些日思夜念的心上人，反而忽略了日日見面的親人）。
夢中跟母親侃侃而談，那根本是你日間的寫照，跟母親傾訴學校的軼事，窒阿媽「好笑咩？唔覺喎！」不留手，可見母女關係平等，言談間無隔閡彷如友人，（互窒是生活情趣耶～不比有些父母時常敦起個款教子女不敢親近）。「Michelle」君的家庭生活頗見歡欣。
「作文杯」、「進入了文章的世界裡面」，可反映「Michelle」君是個有創意、富想像力的人。
「閱畢同學的文章覺得他厲害得很」，可反映「Michelle」君謙遜虛心，懂得欣賞他人的才能，不嫉妒，優點是為人夠真。
「結果告知我是一個有心人」，已經無須再左諗右諗，因為答案當然不止 only one。
從這兩個夢歸納（induce）出，「Michelle」君確是個有心人，真心誠懇，不論對母親，對親朋，對意中人。

👍 0 👎 0