沙咀勞教中心 (所有人都入黎, 特別係PETERCHAN!)

1.點先可以早D出黎?
行為良好。因為佢喺入面每做一件事，都係會計分，只要佢不停俾阿SIR加分，唔俾人減分，就會好快離開嗰度。
2.我地點先知佢已經由壁屋去左沙咀?
呢個星期內。
3.有D咩野係可以入比佢?同可以入幾多?
ＴＥＭＰＯ十包(紅色)，白色祝君早安兩條（中間有個合字）
4.每個月可以探幾次?有無得多D
一個月兩次（如果冇改）
5.沙咀入面生活係點?可唔可以詳細講?係咪會比D牙SIR打?
就好似入軍營一樣，每件事都要守規則，要上堂學習，好似返學咁。
註：佢離開咗沙咀之後，會安排去豐力樓嗰度生活一段時間，嗰度啲阿SIR會幫佢容入返個社會，例如幫佢搵工，跟進工作進度等等(豐力樓喺龍翔道，有好多巴士可以到達)阿SIR唔會打人。
6.D牙SIR點先會對犯人好D?要做D咩?
唔做錯嘢，對阿SIR有禮貌，就唔會俾人鬧同扣分。
7.之前係壁屋坐個14日計唔計落個3-12個月入面?
呢十四日唔會計，而且你都唔使計，因為佢喺沙咀係計分，唔係計刑期。
8.可唔可以寄信比犯人?
絕對可以
9.食飯.沖涼個D係咪得好少時間?
一定唔會好似喺屋企咁自由，鍾意食幾耐、沖幾耐都得。
10.係咪真係好似人地講咁辛苦 好似比人虐待咁?
辛苦，係對佢一種磨練，原因係要等佢驚，知道屋企好，知道家人好，知道自由可貴，咁先係幫佢。
＊唔使咁擔心架，雖然我唔知你呢個家人係你邊位？你想再清楚啲，mail俾我啦。因為我個仔以前都係咁唔生性架。

2009-06-17 14:49:55 補充：
出黎係咪一定要入豐力樓??
係。(如果冇改)
最長入幾耐??
半年左右。
去豐力樓咁有無得番下屋企?
冇。

係沙咀係咪淨係親屬 姑媽等等得唔得?
直系親屬，如果姑媽係監護人就一定冇問題。
朋友係咪一定無得探?
係，冇得探。

2009-06-17 15:05:44 補充：
我希望你明白，其實佢自己違反咗服務令，即係代表佢冇珍惜過人哋俾佢嘅機會，而今次法官又冇判佢刑，即係法官都仲想俾機會佢，因為入沙咀係勞教所，係冇案底嘅。
希望你哋抱住一個觀念：自己唔識教，就要放手俾人哋教。
千祈唔好到咗想返轉頭都冇機會嘅時候先唻怨，就冇意思喇。