水塘禁釣期去釣魚會點啊?

每年禁釣期是四月一日至八月尾，如你所言，給魚兒透透氣，繁殖下一代，否則絕種都有份。
如給制服人員捉個正著，多數是抄下身份証資料，傳票寄到府上，到時上庭罰款了事，未聽過要收監。除非你同制服人員爭辯，一下錯手用了降龍十八掌之潛龍勿用推了他落水，而佢又咁啱唔識游水浸瓜咗，睇怕都要去赤柱釣十年八年魚了。
我有個老友十幾年前斷正淡水湖，罰了三佰五十大圓，跟通漲計，依家起碼都過千了，計我話，做個好市民，都係守法好D。
至於那些水塘較容易受檢控，其實應該是那些水塘較少制服人員巡邏比較切題，以下是各水塘的實況。

1) 薄扶林水塘：塘細，在水塘邊向下望，一覽無遺，企係邊度都無所頓形，水塘口又有一個水務局管制站，又勁多好管閒事的外籍人士放狗行山，千祈唔好試偷釣。

2) 香港仔水塘：上塘水壩位高危，漁護署AM電單車不停巡邏，鬼鼠位可以過了引水道少少，在松鶴亭上少少有一秘位，擔保無人見到，可以博一搏。下塘水壩位亦高危，漁護署人員企係管制站已經可以看到你釣魚，搏唔過。行泥路入少少有幾個秘位，都係神不知，鬼不覺，可以一試。

3) 大潭水塘：漁護署有一管制站在上塘大潭水塘道，AM電單車，私家車及警車不停巡邏，所以大潭上塘唔好試。中塘水壩位AM電單車間中會巡下，又係搏唔過。行十分鐘入黃泥土邊可試一試，制服人員一定無，蛇我就遇到幾次，你自己諗喇。下塘大潭篤壩位一定唔好試，行入第三個橋墩下有幾個秘位又係無人見到，不過我又遇到過蛇，都係你自己諗喇。

4) 九龍水塘：由四個水塘組成，九龍水塘在大埔道邊，巡邏人員多得很，最近加了幾個新的禁釣poster，搏唔過。至於其餘三個，石梨貝水塘，九龍副水塘和九龍接收水塘都幾偏僻，無乜人巡，可以搏一搏，不過小心馬騮偷嘢。

5) 城門水塘：行入去鉛礦坳白千層樹叢，鬼影都無隻，你點釣都得，不過舊年那裡發現女浮屍，天黑前要撤退。同時如果釣釣下見到有隻梳漂埋來，即刻執嘢走。

6) 淡水湖：新娘潭路一帶都是巡邏地帶，搏唔過。秘位有主壩後再行半小時，過了白沙頭再上，又係鬼影都無隻，你話點就點，不過由大尾篤巴士站計，單程起碼個半鐘，至緊要預留回程時間。

7) 大欖涌水塘：懲教署對上的水壩位時常有制服人員巡邏，唔好試，其餘個個位都是秘位，有一批南亞人士時常打躉，藍刀都取走，同佢講扮唔明廣東話，漁護署都吹佢唔漲。

8) 萬宜水庫：左邊西灣路危險，唔好去。右邊萬宜路較平坦易行，巡邏人員不多，可一試。

9) 石壁水塘：巡邏人員不多，可在水碗處試一試。

以上是個人經驗，如果拉了返差館唔好鬧我。其實最好守法，待九月一號正正式式合法作釣也未遲。

遊 客 進 入 海 岸 公 園 前 須 知
遊 客 可 以 自 由 進 出 香 港 的 海 岸 公 園 欣 賞 美 麗 的 海 岸 環 境 ， 以 及 多 樣 化 的 海 洋 生 物 。 儘 管 如 此 ， 遊 客 必 須 同 時 遵 守 海 岸 公 園 及 海 岸 保 護 區 規 例 ， 合 力 維 持 最 佳 的 海 洋 及 海 岸 環 境 供 不 同 的 海 洋 生 物 繼 續 存 活 下 去 。 以 下 是 摘 錄 自 海 岸 公 園 及 海 岸 保 護 區 規 例 的 受 管 制 活 動 :

未 經 許 可 捕 魚 、 釣 魚 、 捕 獵 、 收 集 或 擁 有 野 生 動 植 物 或 其 部 分

干 擾 受 保 護 海 洋 生 物 的 卵 、 幼 雛 及 哺 育 場

持 有 拖 網 、 魚 槍 、 炸 藥 或 可 用 作 捕 魚 的 化 學 劑 或 電 極 裝 置

滑 水 、 高 速 滑 水 或 駕 駛 水 上 電 單 車

以 超 逾 10 海 里 的 速 度 駕 駛 船 艇

破 壞 沿 岸 任 何 海 灘 、 泥 灘 、 懸 崖 及 海 床

毀 壞 政 府 告 示 、 標 記 等 裝 置

阻 塞 水 道 、 污 染 海 水 或 拋 棄 垃 圾

未 經 許 可 進 行 商 業 活 動 、 團 體 活 動 、 繫 泊 及 碇 泊

海 產 養 殖
此 外 ， 海 岸 保 護 區 內 亦 禁 止 游 泳 、 潛 水 及 任 何 船 艇 活 動 。
違 例 者 可 被 定 罪 ， 罰 款 $25,000 元 及 監 禁 一 年 。
http://www.afcd.gov.hk/tc_chi/country/cou_vis/cou_vis_mar/cou_vis_mar_mpvs/cou_vis_mar_mpvs_vis.html
到本港水塘釣魚的人士須先向水務署申請牌照。本署於全年均接受市民申請，牌照有效期為三年，費用為港幣二十四元。申請人須年滿十三歲。本署並不會限制每年發出魚牌的數目。
申請釣魚牌照可往下列客戶諮詢中心辦理：

灣仔客戶諮詢中心
旺角客戶諮詢中心
申請人在辦理手續時須出示身分證明文件，並繳付有關費用。牌照通常會在申請當日發出。
市民亦可以郵寄方式辦理申請，請將填妥表格、身分證明文件副本及面額港幣二十四元支付「香港特別行政區政府」的劃線支票，連同貼上足額郵票的回郵信封寄交本署。信封面請註明「申請釣魚牌照」。牌照會以平郵方式寄予申請人。
釣魚人士須注意下列守則：

只可利用魚竿及魚絲垂釣，而不得使用魚網或其他釣魚工具；
禁止使用爆炸性或有毒物品捕殺魚類；
不能在水塘中使用小船、小艇或木筏等交通工具。
http://www.wsd.gov.hk/tc/education/fun_of_fishing_in_hong_kong/apply_fishing_licence/index.html