香港特區護照申請一問

現在你夠十八歲需要更換過期護照,申請特區護照續
期,只要在入境處約期,帶備成人身份証,相片一張( 特
別規格 ),舊特區護照,填申請表及費用370元,就可以
申請十年期的特區護照了。



2009-06-16 15:21:08 補充：
如果你要換成人護照, 就一定要出示兒童個本護照,交
給入境處註銷舊証,無論原本個本有冇過期,一樣要交出
來註銷,如沒有交就當遺失處理,辦証時間會耐一些。
我想你那本兒童特區護照,只有五年期,肯定已過期了。

問： 而家夠十八歲使唔使另外再申請過? 定係只需更換過期護照?

答案是：
係，要重新遞過一份申請書，入境事務處會簽發一本全新的【特區護照】給你。（號碼當然係一本全新的）
其實，你所問兩個問題，都係同一個答案（根本係同一個問題呢！）

按：法例無規定你過十八歲要換過本新護照，依家你換唔換過本護照，就睇你有無需要啦。
如果你諗住短期內會出門，就好快D去申請【特區護照】，依家入境處【唔會】為探親、旅遊而批快證，就算「機場阿嬸」黎踩場，【都唔會批快證】。
一般情況下，當入境處收到你的申請，大約十個工作日便可簽發一本新護照給你。
但郵寄申請，則需加多四至五個工作日！

只要你的【舊證仍在手】，你可透過四種方法去遞交申請：
第一：親自到各入境事務處辦理（帶同你的相片、身分證、護照、費用---可用EPS、支票、現金）；

第二：以郵寄方式遞交，(表格、相片，身分證副本，護照副本，只接受支票)；

第三：網上申請，(你需預備身分證及 相片image file，透過網上系統申請，費用：可用PPS、信用咭)；

第四：透過設於各辦事處的自助申請終端機（俗稱死肥仔），作自助申請，費用：可用EPS、信用咭。


表格下載：
http://www.immd.gov.hk/pdforms/ID841n.pdf

相片規格：
http://www.immd.gov.hk/chtml/photo_1.htm

費用：
32頁 $370
48頁 $460

如果你無法尋回舊特區護照（即使過期），你必須親自到入境處各辦事處遞交申請，並需填寫多一份表格ID645，但審批時間會較耐，一般要四至六星期。
ID645表格：
http://www.immd.gov.hk/pdforms/ID645n.pdf

2009-06-15 20:45:34 補充：
仲有既係，要睇番你當年申請【特區護照】既年紀，因為如果你當年係未滿十六歲，入境處只會簽發有效期【五年】的護照，
如年滿十六歲至十七，則跟成年人一樣，會簽發為期【十年】的護照給你。

你諗諗當年你申請係幾多歲，就知本護照有無過期啦。

遺失護照，千祈唔好諗住入境處會無記錄，又諗住等拎護照時，先至向入境處話唔見左護照，就算本護照印好，你一日唔交本舊證出黎，入境處都唔會發比你，再要你補辦遺失申請，咁只會拖慢你自己既申4請進度。依點你要留意。

2009-06-16 19:16:26 補充：
你答得對！無論你現有的護照有無有過期（即使過期都好），當你更換新證時（無論係兒童、或成人），必須出示舊有證件。否則，真係要親身去辦理。

2009-06-16 23:57:38 補充：
仲有一點要提提你：如果遺失護照，入境處可能只暫發為期【一年】的護照給你；待一年期滿後，方可續領餘下的【九年】有效期。

所以，你最好反箱倒籠地找下你本護照，免得到時咁麻煩。

2009-06-17 00:09:09 補充：
仲有既係，唔係成人就一定要換證。
換證既理由有好多種，
1. 護照有效期已到；
2. 護照頁數已用完；
3. 護照幅相唔似你，免得出入境麻煩；
4. 損毀、遺失；
5. 更改護照內容（如：個人資料---姓名、出生日期、出生地方...等等）；
6. 貪得意換個本....都得。

樓上兩位朋友所講就有DD問題，只要你手持本護照仍有效，無損毀缺頁，就可以繼續用。唔駛趕住換證。

要換護照,你已經成人,領成人護照