熊仔鼠 男女 相處一問 急問!

A.要盡快將佢地分開,唔係到打死打傷先分開就太遲了鼠鼠交配過就有懷孕既可能,但要明白,打交唔代表懷孕,鼠鼠打交係因為倉鼠天生就係獨居動物,一齊住就好易打交or因壓力而生病,一先一後既鼠,仲要係地盆心態最重既熊仔鼠,打死打傷既機會更大
第1,2日冇打並唔代表佢地本身可以一齊到,就算交配過,只係代表第2日佢地發情期一樣,就算結果會打死晒既鼠,中途亦會有交配既可能
分籠可以洗下籠先,但唔係話一定要清左d味,唔好誤信網絡及鼠店既講法,就算完全冇氣味既籠,亦一樣會打交,所謂既沖涼or冇味唔打並唔可能,咁做又點可能改變到鼠鼠既天性?而籠好大都唔代表對打交既問題有幫助,我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既

B.倉鼠懷孕係好難用肉眼去睇到,因為懷孕期短,熊仔鼠大約15-16天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分
4)書本都會話鼠鼠懷孕會築巢,但好難話見到鼠鼠築巢就當佢懷孕,因為鼠鼠本身就有築巢既習慣,好多鼠鼠平日都會整一個窩,收埋食物,除非墊材唔適合or有問題,又或太熱啦(我鼠鼠十分熱既時候都一樣會築巢)

懷疑鼠鼠懷孕要留意既事,可參考以下我回答既知識:
http://hk.knowledge.yahoo.com/question?qid=7009040300745

C.其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂

另唔知鼠鼠有冇受傷?記得檢查清楚佢地有冇事,打交既處理方法可參考:
http://hk.knowledge.yahoo.com/question?qid=7009043001422