平郵可否在指定郵局自取?

我想問平郵自取可唔可以去指定郵局自取?
你只要叫寄件人於投寄前，於郵件正面寫上「收件人要求自行到郵局取件」或類似字眼，並通知郵局話收件人會去郵局自取，咁郵局就會寄張領取郵件通知卡比你。

如果可以,甘咪唔需要提供地址比寄件人,都可以?
要，
因為平郵唔同掛號，郵局對於平郵郵件沒有記錄，你要提供住址證明比郵局，先可以取件，而你提供的住址證明一定要同郵件上的相同，先可以取件，加上郵局要根據你的地址，先知道有關郵件要送到邊間郵局，所以你是需要提供你的地址比寄件人。

平郵郵件, 如果郵差可以直接放入信箱, 咁基本上就唔會特登call你去郵局拎喇~ 但如果郵件個size係好大件, 入唔到信箱, 要派上門o既, 咁就唔同講法喇~ 你可以叫寄件人, 係郵件面頭, 大大隻字寫住"家中無人, 請直接發出通知咭", 咁郵差一般都好樂意為你咁做, 因為郵差大哥又可以慳番d力水同時間o麻~

第二個問題, 你未必係去最近你屋企o既郵局拎郵件架喎, 因為其實係分左區, 例如大埔有三間局, 1.政府合署 2.運頭塘 3.富善, 富亨邨最近o既郵局係富善郵局, 但係分區o既情況下, 住係富善邨o既居民係須要到政府合署o既郵局拎件o既~

第三個問題係.......非常簡單, 有名無地址點寄信? 例如香港都唔知有幾多萬個陳大文, 你要寄信俾陳大文, 咁你又想寄俾邊一區o既陳大文呢?

除非你有b.o. box，或你去信郵局，要求所有寄去你家地址的郵件都到郵局自取才可以，否則，又或你提供一個親友的地址給寄信人，這就不會有人知道你家的地址。