有問題關於去番禺長歡樂世界!!急!!

我意見你跟團好過,如果自己去貴好多 祈福酒店一晚平日房價最平都500-600一晚再加10幾%稅,如果你自由行,住祈福酒店係首選但一定要先去中國旅行社或其他旅行社預訂,我提供一個網上訂房比你參考www.hotol.com.hk(香港酒店網),交通方面在太子地鐵站,運動場道出口一上地面右轉就見到粵港或者榮利兩間客運公司.星期一至四一般去到都買到票星期五六日最好先一兩日買定票,買去祈福新村星期一至五單程$80星期六,日同公眾假期$100一位大約三個小時車程到達,注意祈福新村唔係總站不過都係大站會好多人係依個站下車,落左車你問一下站頭D保安員酒店方向會話你知,係你落車個站頭行過對面有一排街鋪有間叫 廣之旅 個道有去長隆所有門票賣,還可以安排車接送大約10蚊人仔一位,或可以在巴士站搭10A,10B一位3蚊.去到門口先買票入場費一位120-130人民幣一個場計不過你去晒三個地方一日兩夜比較趕三日兩夜會好玩D,食物同飲品唔比帶入場要換定人民幣,三餐可在祈福食街,酒店傍邊係大型會所裏面都有好多唔同地方菜式又有茶樓或者在祈福巴士站搭2號巴士去 市橋 大把食店,如果搭的士去市橋大約30蚊

2009-06-17 01:44:55 補充：
回程可以在祈福巴士站頭買回港車票,船票. 車票去廣州,深圳,珠海都有.
搭船回港快一個小時價錢好像要$180去程回程平少少,要注意搭船要預早一個半小時在祈福乘巴士去南沙港因祈福至南沙港要一個小時車程巴士車費20蚊人仔最好先問一下巴士開出時間先再買船票.唔係等下要飛的去碼頭可能成百幾蚊

你的要求最適宜買 2 日1夜的套票， 去中旅有不同組合的套票可供選擇，而景點入場票還有折扣：套票包括不同交通工具 + 1 至 3個景點入場券 + 酒店。套價錢與酒店級數與交通工具掛，而且可拆開購買，即可單選入場券 +酒店或交通 + 酒店等。
住長隆酒店，好處是慳番去景點交通時間，但酒店住、食較貴，週邊沒有食肆，焗住在酒店食。
住祈福食就多選擇，祈福食街就在附近，有超過 50 間酒樓食肆供選擇，豐儉由人，祈福打的去長隆景區約 ￥30。