新手養倉鼠一問...

樓上網友wing993部份既講法唔同意,希望網友唔好介意及可留意一下:1)鼠鼠唔可以飲牛奶,牛奶易令鼠鼠有過敏反應,飲左好易會肚瀉,肚瀉對鼠鼠唻講係嚴重疾病,所以就算係鼠鼠生b後要飲奶,都要飲奶粉沖既奶
2)魚肝油含大量維他命A,人類食太多都唔好,已經有新聞講過,人既小朋友食都易中毒,甚至死亡;俾鼠食就更易過多,所以千萬唔好亂俾人既食物俾鼠鼠食,都唔好胡亂同鼠鼠補充維他命

1.要睇咩品種,熊仔鼠係長命D,一般係可以去到2-3年命,最長命既我試過4年多,不過只係一次;而較細隻既鼠大多只有1.5-2年命,我自己既鼠就試過2年多

2.冇定訓幾耐,較凍同較熱會訓多d,主要在日頭既時候訓覺,黃昏到半夜較活躍,但你留意一下會見到,鼠鼠多數都係訓下食下玩下咁間住去,好少話真係長時間連續地訓覺既

3.倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔.而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女
大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
仲要留意,細隻既鼠真係好難分,鼠店都有錯既情況,所以最好睇真d,有唔止一隻鼠去睇就易睇得多
冇特地去影鼠鼠既下身,抱歉,但可以從背部睇落去:

圖片參考：http://i176.photobucket.com/albums/w162/kelvin320/080324-1.jpg


4.主要係要每天都檢查鼠鼠既身體及排泄物有冇異常,詳細就可以留意以下事項:
a)唔多點郁既鼠鼠可能有病,好多病都會令鼠鼠好疲倦.
b)留意鼠鼠身形會唔會忽然特別肥or特別瘦,有腫瘤or病既好易會咁
c)留意鼠鼠既毛有冇甩左一部份,會唔會有腫瘤,摸落去會唔會好"鞋"咁
d)眼睛唔好有眼水,要乾淨,可以完全張開.
e)鼻要乾淨清潔
f)呼吸正常,唔會喘晒氣咁
g)腮部冇問題,可以正常地放野食入腮同整到出唻.
h)排泄位置乾淨清楚,唔會濕濕地
i)排泄物軟硬及多少適中
j)要冇外傷,冇流血
k)指甲同牙齒要留意有冇過長

5.大埔可以去好出名既大圍獸醫度睇,香港有口碑既鼠醫生唔多,最好揀過先好,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

倉鼠壽命
倉鼠是一種小型齧齒類動物，意思是牠們的牙齒會不斷地生長，故需經常磨牙以保持長度和外形。一般倉鼠的體長約 8-15cm，體重約 100-150g，壽命約２年。

怎知牠男或女
認識雌雄鼠的分別。最簡單的辨別方法是觀察牠們的尾部 ：雄鼠尾部的兩個洞（肛門及陰莖）是明顯地分開的，而雌鼠的兩洞則是緊靠在一起的。成年倉鼠更易分出雌雄：雄鼠尾巴的兩則各有一個陰囊，所以尾部看起來較膨大。而雌鼠尾部則較鈍，腹部上有兩排點狀的乳頭。

倉鼠喜愛夜間活動，日間睡覺，本性如此，想改也改不了，所以當牠們在安睡時，你還是不要騷擾牠們好了。打擾清夢，實在是殘酷的行為！

倉鼠並無本身的疾病，只要你定期清理籠子和更換水和食物，牠們就不會生病。
倉鼠最常生的病是感冒，所以如果你或你的朋友患了感冒，就最好不要接近牠們了。另外 如果你的倉鼠有感冒現像，就要立刻將牠隔離，以免其他倉鼠受感染。感冒的病徵包括：遲鈍、疲倦、四肢無力、鼻子紅腫、流鼻水、耳朵縮起來向後貼緊頭部、縮 在窩中不肯出來，嚴重時更會打噴嚏、氣喘、體重下降和毛色失去光澤。
治療的方法是將生病的倉鼠放在清潔通風的籠子中，保持溫暖，給牠喝些許牛奶，加些麵包、燕麥片或魚肝油之類的營養食物，這樣牠很快就會恢復食慾而痊癒。另外最好徹底清潔水瓶及更換飼料，以免受感染，籠子也要徹底清洗乾淨。
另一種常見的病是麻痺，病因是籠子太小倉鼠活動不足，病徵是縮著身子抬不起頭來。這時候只需把牠放在桌上15分鐘，讓牠自由走動，舒展筋骨，便會沒事。其實倉鼠是強壯的動物，只要居住環境良好、有乾淨和適當的飼料，便不易生病。



每日健康檢查

鼠鼠生病初期，幾乎沒有任何症狀，等到你發覺不對勁既時候，大概已經病入膏肓，這是因為鼠鼠野外求生本能，在大自然環境中，要避免被敵人發覺弱點，所以生病時大多隱藏病情，否則會立即被攻擊。

雖然鼠鼠由於上述原因，而將病徵隱藏，但只要你細心觀察，一定可以發現病徵及早治療，所以要每日要幫鼠鼠檢查一下 :

(1) 眼睛是否有神、眼睛四周是否有污穢;
(2) 耳仔是否有污穢 或 臭味;
(3) 鼻子是否有鼻水;
(4) 毛髮是否光滑亮麗 及 有否出現脫毛;
(5) 尾巴是否濕濕，鼠鼠肚痾會有便便黏在尾巴位置，並留意便便是否一粒粒硬身的;
(6) 是否食慾低落、不太活動、體重忽然減輕;
(7) 走路搖搖晃晃 或 拖著走，可能係骨折或身體虛弱;
(8) 身體某野部位有否硬硬既感覺;
(9) 爪 及 牙齒是否過長