關於”小寶與文狄”節目內的主持人資料

陳小寶曾經是CR 2 DJ， 亦做過唱片公司高層， 閱歷甚豐， 聽佢講人生點滴+ 懷舊英文歌， 係人生一大享受； 杜文迪只是陳小寶老友
小寶與文迪呢個節目我幾年前在商台聽過, 已經覺得好好聽, 後來唔知咩原因, 節目無再繼續.

但上星期六晚, 偶然間扭開收音機, 發覺同一個節目已經在新城重做, 主持當然仍然係陳小寶及杜文迪.

簡單嚟講, 呢個節目你話佢超攪笑又唔覺, 話佢正經又絕對唔係, 總之, 我覺得係一個好輕鬆, 幽默得嚟又唔會浮誇, 而且仲令人聽得好舒服既清談節目.

如果你係30歲以上, 可能你聽呢個節目會有D共鳴; 如果你係30歲樓下, 我都向你誠心推薦, 兩位節目主持人雖然並無拋好多書包, 但細心咀嚼佢地所講既說話, 其實都好有內涵.
這個節目當年在商台真係超鍾意, 成廿年歷史了, 第一輯好像播於1987年左右.

p.s. 節目在逢星期六晚十一時至二時喺新城知訊台播放, 希望大家鍾意!