有好多有關兔仔既問題牙=)

mk d兔兔多數都係賣幼兔(約3-4個月)，但你要留意番最好買斷左奶既兔兔，因營養吸收得唔夠會無咁健康！而mk d舖一向無咩保證...所以揀兔時要注意番佢地精神狀況、大便夠唔夠圓同實、屁屁有無污穢、有無流鼻水、牙仔有無問題、旁邊d兔兔健康情況、佢身處既環境同食物質數等等！


安哥拉兔屬於長毛兔，成長後平均體重可以有4-8磅，因全身長滿長毛所以外形會似一個大毛球，你要預左花頗多時間打理，如你是養兔初哥，就要慬慎考慮埋呢一點！另外市面上亦少左見有安哥拉兔賣，所以我建議你上兔協領養版睇睇！雖然未必係幼兔，但至少有健康保證，而且幫到棄兔之餘又可以上堂學吓點照顧兔兔！(香港兔友協會 - http://www.hkrabbit.org/index.html)


兔兔唔會有經期！如無必要可以成世都唔需要沖涼，因佢平日lam毛毛已經係清潔緊身體，除非真係好污穢或發出惡臭，否則用擰乾左既濕毛巾輕輕幫佢抺吓就ok！


每隻兔兔都有自己個性，有d會好痴人有d就比較cool，一般兔兔都會認得照顧開自己既人，若瞓練得好仲識聽簡單指令同自己個名！只要培養出好既感情佢地都會主動同你玩，不過你要預左佢地絕對唔會好似狗仔咁聽話，因各種動物有佢地自己唔同特性同生活需求，你要先了解左佢地既背景，(如：兔兔鍾意掘地，咁係因為佢地在戶外時天性要掘loan做兔窩，而且可以磨甲！亂咬野可以係牙仔痕、好奇或表達方式既一種，因佢地唔識講野！)


基本用品:
籠、廁所、草球或草架、墊材-木糠、紙粒(舖於籠內或廁所用)、食物碗、水樽、梳、指甲鉗


基本食糧：
牧草-兔子可食用的牧草主要有以下幾種:梯牧草(TIMOTHY)、苜蓿草(ALFALFA)、果園草(ORCHARD)、高山草(MOUNTAIN GRASS)、小麥草(WHEAT)等等,日常乾草應以TIMOTHY為主,因TIMOTHY含有極高的纖維質而6個月以下的幼兔可同時給與ALFALFA餵飼。注意: 不要購買沒有牌子﹐自家包裝等不知名乾草。
主糧- 天早晚給予1湯匙乾糧已足夠,不建議買加入了小食的混合糧.

1.我岩係紅蘿蔔對面果間(我唔記得個名)招牌上有一隻好大嘅兔兔相片...買左一隻安歌拉兔,男仔,190蚊,好多人都認為係旺角買無咩保障,但我去睇左幾個星期,睇左好多次,我最後至好小心地選.我買左隻啡色嘅,三個月大,呢批係兔女多.....男仔比較少....
2.m部份唔答哪.因為有網友係其他答案講左了
3.我家重有兩隻,大小其實真係唔駛點洗,佢地本身好乾淨,我大果兩隻要洗係因為佢地未絕育,成鬼日係度玩噴尿,噴到一身都係我至要幫佢地洗下,唔洗會好污穢(我覺得),小朋友兔兔你用洗身粉就足夠了...
4.兔兔真係識聽自己個名,我三隻兔兔,有兩隻一日就識哪..不過我比較喜歡用疊字同嚮音,因為佢地易聽到...比如寶寶,灰灰咁....不過兔兔比較先我d.佢地唔係隻隻都會搵主人,一般都會好被動,你要接受e樣野....同埋..照顧佢地要花好多心機.好多時間..你要有晒心1理準備,因為香港太多棄兔,佢地係兔協度,好慘,我去探過佢地了....d人因為一時開心而買左佢地,之後就把佢地遺棄係垃圾場,兔協門口,有d重將佢地放上山,後來有d狗場主人唔忍心而收留再轉去兔協哪....如果你可以,不過收養哪.....佢地唔比我收養,因為我有兩隻了.....你上網頁睇下哪..好cute呀....等緊一個家....
5.list方面已經有網友比左你,我唔重複了..不過係吉之島的10蚊店有好平嘅用具,件件10蚊.....好抵.....

兔仔係唔洗沖涼的!!!!!!!!!!!!!!!!!!!!!!!!!!!!!!!!!!!!!!!!!!!!!!
而且養兔比養狗難!
因為兔仔比狗更易病!!!
如果養得耐.兔仔係會識認主人!!
而主動去搵主人就要睇兔仔ge 性格啦
我家中個隻兔仔,係識得過黎搵我!!
ps:
養兔前,請上網搵哂所有資料!肯定自己對兔仔有一定ge 認識先開始養!
不如你去兔協領養啦!又唔洗錢,又可以幫到兔兔重新有個家!!

我見紅羅白個d兔唔係好精神,最好唔好係金魚街度買,間間黑店,兔仔大左會幾大,你問店d人一定唔知,佢地一定會話唔會好大隻咁答你,清潔兔仔既情況就睇下你可唔可以訓練佢d尿尿識自己去,如果識既你平時同佢用毛巾擦身就ok,兔仔一定認得人,但係比較有性格,你叫佢未必時時會理你,會唔會主動去搵個主人 ( 好似狗仔咁 )?我個隻就會,跟住我行一粒鍾一樣得,睇你平時肯唔肯抽時間同佢玩,但最後說一聲,人有人性格,兔一樣,選隻性格活潑喜歡理人既兔仔會比選擇一隻只是睇樣cute就買的重要一點!

2009-06-14 23:08:36 補充：
我見紅羅白個d兔唔係好精神,最好唔好係金魚街度買,間間黑店,兔仔大左會幾大,你問店d人一定唔知,佢地一定會話唔會好大隻咁答你,清潔兔仔既情況就睇下你可唔可以訓練佢d尿尿識自己去,如果識既你平時同佢用毛巾擦身就ok,兔仔一定認得人,但係比較有性格,你叫佢未必時時會理你,會唔會主動去搵個主人 ( 好似狗仔咁 )?我個隻就會,跟住我行一粒鍾一樣得,睇你平時肯唔肯抽時間同佢玩,但最後說一聲,人有人性格,兔一樣,選隻性格活潑喜歡理人既兔仔會比選擇一隻只是睇樣cute就買的重要一點!

-.-'' mk D 寵物好似冇乜保障
我見意你去一間連鎖店叫紅羅白到買會比較好