點樣做先可以把水搞得清啊。。我養淡水魚噶

要水清,首先要睇你個缸有冇落底材~
底材係缸底放既沙、石、泥等.....
沙、石底有時加前無洗得好清潔的話,
水會出現少少白濁同有飄浮物~
至於泥底就唔駛洗,反而佢係一定會出現白濁情況,
因為泥底含養份,一開缸應該會建立硝化細菌系統,
白濁情況會係一日至一個月內改善~
如果無落底材的話,
咁水一般都應該好清好透徹,
不過就唔明白有時有人既缸反而會出現白水情況,
可能濾材洗得唔清潔、硝化系統建立中、落左硝化菌水...
咁呢d因素就無得好講~
請問你養既係咩品種既魚呢??
金魚、龍魚、小型熱帶魚、慈鯛類???
養咩魚有時都好影響濾材既使用~
金魚,
因為佢地屙屎好勁,
所以可能需要用到麥飯石吸走氨,
亦需要活性碳吸收有毒物同除臭、淨水~
小型熱帶魚的話,
因為量多而屎少,反而唔需要麥飯石,
活性碳可用可唔用,隨個人喜好~
最主要都係用生物環,因為生物環係養硝化細菌既材料,
無落就會少好多硝化菌~
硝化菌係負責硝化魚屎、有機物,
係一種對生物有益既菌,所以有好過無,
落左生物環,唔多唔少都會有,可令水質更清更潔淨~
你養既係豬仔魚??
咁多數無落沙石做底~
其實唔需要用到d咩特別濾材,
只要 - 濾棉、活性碳、生物環~
濾桶最好係濾棉行頭,隔去大件垃圾,
之後到生物環,比生物環接觸到d水,從而養起硝化菌,
最後到活性碳淨化水質後流出~
d水唔算清的話,
或者你試試每日換少少水,
淡化果種混濁既情況,咁會有d幫助~
另外濾材係重要既一環,
所以你可能去買d品質、質素較為好既會對水質控制更有效~
濾桶用前最好先洗洗,
用水直接沖洗一下濾桶,之後先用~
而濾材同時都要洗下,唔係一拎出黎就用~
活性碳最好洗到甩色情況變淡,甚至唔再甩色,
生物環同濾棉就只係沖一沖水就可以~

2009-06-15 10:27:03 補充：
其實生物環係濾水過程中,比其他野都重要,
所以建議你不如只落生物同放返濾棉就可以,
水中含有較多硝化菌比用活性碳淨水黎得更有效、更好~

過濾桶以生物過濾為主,所以濾桶內的濾材就以生物環為主,
如果你個桶有四層,第一層(最上層)淨放棉,
第二層放棉及活性碳,
第三層放滿生物環,
第四層放滿生物環
放生物環及活性碳前,只須沖水後就可放入桶,
當起動濾桶後,就落硝化細菌水入缸,
第一次落多一點,約20mL,兩天後再落10mL,
若然你個缸的硝化細菌充足,缸水必定會變得清澈,
你可以馬上買這些生物環濾材及硝化細菌水運作,
我保證你缸水很快會變得清澈.
有一點你要注意,換水時不要同時洗濾桶,
這樣會失去大量的硝化細菌!
所以換水與洗濾桶要分開日子做,
當洗濾桶時,那些生物環用盤清水沖下便可,
不要開水龍頭猛沖生物環,以免硝化細菌大量死亡!
每次換完水或洗完濾桶後,都要加入硝化細菌水.

2009-06-14 20:33:45 補充：
三層濾桶放的濾材如下:
第一層放棉及活性碳
第二層及第三層放滿生物環.