麻煩大家幫我改個英文名

以下係小弟既女仔名建議。呢啲名一定有人聽過，但又無咩人用。

Violet: 意思係紫羅蘭，好美麗既名字，而且極少人改。

Amber:　意思係琥珀，外國好常見既女仔名，而且小弟見過既Amber都係美女。

Venus：維納斯女神係愛與美既象徵，理論上應該好多人用呢個名，但事實上唔係有好多Venus。

Sophie or Sophia: 小弟印象中既蘇菲或蘇菲亞都係美女，而且唔係有很多人用呢兩個名字。

Majorie: 好少見既名，改左一定無人同。

Noel: 以前有電視劇提起我先記得有這個名，佢既意思係法文既“聖誕節”。

Nicole:　同樣係少人用既名字。

Naomi: 連外國人都少用既名，不過用呢個名既都係美女，如名模Naomi Campell及演員Naomi Watts.

Rose﹕這個名好動聽，雖然意思很簡單，睇起來亦好普通，但事實上無咩人改呢個名字。

Elisa﹕Elizabeth 呢個長名字可以拆成多個女仔名，Elisa就係其中之一，呢個名字不太普遍。

Berth﹕源起及普遍性同Elisa一樣。

Liz﹕源起及普遍性同Elisa一樣。不過我見過既Liz都幾男仔頭。

Simona﹕一個意大利女仔名，當然唔會有太多人改。

Penelope: 呢個名係希臘古典史詩《奧德賽》中，伊薩卡皇后，即主角伊薩卡國王奧德修斯妻子既名字，同Majorie一樣，改左一定無人同。

Natasha﹕一個極普遍既俄國女仔名，但俄國人以外就無人改。

Tania﹕同Natasha一樣係俄國極普遍，俄國以外都聽過有人叫呢個名，不過真係好少。而且Natasha及Tania亦常用於電影中既美女，“灘nia”。

Megan﹕讀“MayGan”，一個唔多見既美國女仔名。如果樓主有睇Lonely Planet，就會知道其中一個靚女主持Megan McCormick就係叫呢個名。
Samantha﹕雖然好似好普通，但我又唔覺有好多人叫呢個名。

Natalie﹕一個少見既女仔名，不過幾靚幾好聽。
Joycelyn﹕一個常見於美國既女仔名，係香港我無聽人用過，要讀“Joyce-lin”
Audrey﹕樓主未必識Audrey Hepburn係邊個，但你可能聽過邊個係Audrey Tautou。唔駛知咁多野，呢兩個超級靚女紅遍全球，你改呢個名一定係人都識。
Amalie﹕一個法國女仔名，你改呢個名既特別，而且肯定好多人識。呢個名咁多人識有段古，就係因為上面提到嗰位Audrey Tautou曾經做過一套戲，佢個角色就叫Amalie。套戲紅左Audrey Tautou之餘，亦紅埋Amalie呢個名。呢個名要讀“鴉尾lee”。
Marie﹕Mary既法文版，係法國極常見，讀音都唔同，要讀“駡we”。
Jean﹕同牛仔褲既英文讀音“jean”一樣讀音。本來呢個名係法文版既“Sean”，係男仔名。但唔知點解我見過好多講英文既西人女性叫呢個名。
Lolita﹕樓主敢唔敢改呢個名﹖呢個名有個好處，男女老幼係人都識，不過大家對呢個名既觀感樓主未必鐘意。後生仔就以為你鐘意扮嗰啲日本娃娃版女傭，年紀大啲既就會唸起嗰套幾十年來都係禁忌既電影。如果樓主唔想個名咁應棍，可以改“咩”少少叫Loretta。
Constance﹕鬼佬有好多名都係先有男仔名，再攪啲花臣就整埋個女仔名出黎，呢個名就係一例。個男仔名係Constantine，而黎姿係“珠光寶氣”入面就係叫Constance。小弟未聽過真人叫呢個名，係電影入面除左黎姿之外，我就只聽過頂尖瑞典靚女英格烈．褒曼(Ingrid Bergman)係一套幾十年前既戲入面既角色叫呢個名。既然有兩個頂級靚女都用過呢個名，樓主唔怕改。
Ingrid﹕呢個係瑞典名，全世界都識呢個名係因為上面提到既瑞典靚女英格烈．褒曼。好奇怪既係好多瑞典靚女都改呢個名，可能係想黐下褒曼既名氣。
Stephenie﹕同Constance一樣，都係先有男仔名Stephen再有呢個名。雖然呢個名唔係幾好聽，但勝在真係無人改之餘又係人都聽過。
Alexandria: 同Constance一樣，都係先有男仔名Alexander再有呢個名。呢個名改左雖然肯定無人同，但亦都幾難讀。
Dona﹕雖然好少見，但我覺得呢個名唔好聽。

Olivia﹕都係少見但我覺得唔係幾好聽既名。

希望以上的提議能幫到樓主。多口講句，上述既名絕對唔係無人用，只係用既人少，或者只係香港好少人用，所以大家聽過呢啲名一啲都唔出奇。

我第一下睇到你個名
你話想要同中文名似
真係同其他人一樣
諗到yoyo
我諗你都想改一d特別d既英文名既
同埋要睇埋你自己鐘唔鐘e
我以前去過一d網係幫BB改名既
不過我記得係英文網黎既
仲有埋個d既解釋同出歲
雖然唔係100%岩
但起碼有個大慨都好呀嘛
如果你想要個網
我可以幫你搵下既
or 你自己上網search

全部我打既字
勿cop
否則即檢舉

yoyo
stella
haho
shenlla
lobely
lilly

Yolanda

Rungelia

一於叫 BANYAN = 榕樹，　似你的中文名啦

YOYO
IVY
Joe

YOYO
JANICE
LUCY
KATIE
YUNGYUNG

Yoyo
Lucile
Mandy
Yanus