小女子首次搬出來, 請給點意見.

1. 七千幾不如自己供, 自住又不是炒, 幾時入市都無問題
如果有能力供樓, 如果唔怕自己會失業或冇收入, 咁點解唔供樓, 記住, 租樓是幫人哋供樓, 租幾多年樓, 永遠都係人哋既, 但供樓就是自己的, 供完廿年或卅年, 層樓就係自己的。
從另一個角度看, 樓市會升定跌?
樓市經歷金融海嘯, 再加上豬流感, 但郤不跌反升, 你就可以知道, 香港人對住屋的需求, 一般家庭想申請公屋幾乎都已經超過了入息限制, 即普通人根本無可能住政府樓, 咁你睇吓有幾多人要租樓住? 咁你又睇吓有幾多人(家庭)要瞓街?
每年都咁多人結婚, 你話佢哋會住係邊度?
你自己話, 香港人的住屋需求大唔大? 未來5年的新樓供應量又不足4萬個, 咁你話需求大唔大, 樓價會唔會跌?
2. 出年年中樓價會大跌, 梗係租住先, 等到時至買樓.
無可否認, 如果美國的經濟有機會復甦, 明年利率向上, 樓價是一定會受到打擊, 但會跌幾多?
而家全球都炒緊經濟復甦, 股市暫時可看高一線, 咁, 你睇返樓市, 海嘯同豬流感都照升, 今次經濟復甦, 你話仲有冇得升?
你話今年升得多? 定係明年跌得多? 大家都係普通人, 大家都冇理由知道? 係咪?
你們認為邊個做法至啱?
我個人就認為, 如果有實際住屋的需要, 自己又有能力供得起的, 咁一定係自己供番層啦, 最低限度, 唔駛比業主2年加租一次, 係咪, 而且供咗層樓始終是自己的。

If you have 20% to 30% down payment and monthly payment is not breaching 40% of your monthly income then I would highly recommend you to buy. But not recommend to buy new territories area. HK properties prices are also base on demand/supply so long term must begoing up if you buy one in the city area.

我於沙士之前半個月買樓，又於一個星期前賣了．打算租住先．
其實不必同時比較買樓和租樓，諗到天光都會得個吉．如果妳有興趣買樓，只需直接考慮買樓情況即可．若認為下列各項沒有問題，買吧！相反，便乖乖租樓好了．
１．不要幻想自己可以在谷底入貨，誰知樓市時妳會否買得到心頭好．反而要計價錢是否物有所值．
２．如買新樓，容易計算是否物有所值．只要假設自己是發展商便可．發展商都大把錢，所定價錢是看市場需求，並不因應成本．
３．需求低，價錢做不上，發展商大不了停售．直至有一定利潤才會推出．於是妳要計的是：發展商食水有幾深！
４．假設該單位在三十樓，新樓盤，市區，六百尺，做一百八十萬．咁妳計：鄰近地鐵站，值廿萬；會所設備完善，值廿萬；向東南，值廿萬，內園泳池景，值廿萬，即係乜都冇的話佢都會收妳百二萬．．．
５．六百尺做百二萬：即大約尺價二千．新界通常平市區二成；廿年樓比新樓平兩至三成（視乎保養及排除經濟環景）；底層又平三十樓一成．．．
６．咁即係話新界底層廿年樓，冇地鐵冇會所冇景座向唔靚會賣六十萬，一千文尺，其實冇乜暗病嚟計係合理啦！！（其實喱個差唔多係我入市價，未必有幾多次咁靚價機會，差唔多咁上下已經可以了）．
７．計完層樓就計自己，攞唔攞到首期出嚟妳自己識計啦，唔多講，但按揭好重要，除咗之前銀行普遍患憂慮症外，一般妳上網都可以知道邊間銀行估價幾多，然後佢會計妳幾多歲，同收入與支出比例嚟比妳借幾多及做幾長．一般人六十五歲都退休啦，如果妳已經四十，咁就唔好望可以做多過廿五年啦．而妳收入少，支出大，或工種唔穩陣（例如合約工或以食佣為主），都可能視妳為斷供高危族而收妳貴啲息．
８．最後計埋管理費，差响地租（如是舊樓留意保養費用）．
９．不過按揭利息可以扣稅 ^_^

計完一大輪，咁妳會知層樓抵唔抵及自己風險有幾高．得咪買，唔得咪租囉．

其實交貴租吾等如要買樓。
租樓同買樓係兩個完全吾同既考慮。
買樓係一個長遠既考慮（除非你係炒樓），首先係財力問題，夠吾夠首期，份工穩吾穩定，要同銀行借錢，要條債上身十幾廿年。
租住緊既樓係咪理想值得買既地方。
租樓係較靈活，輕鬆既做法。
如果你認為有能力而又想置業既，先再考慮而家係吾係買樓既好時機。

七千幾月租住紅磡區，相信妳個人係有條件供樓，而且對住的地方會有要求，如果唔係點會用咁多錢租屋？
正確的話，我建議妳應該買樓，樓價升跌只會影響你自己買樓那一分鐘的支持能力，要自住其實影響唔大，千金難買心頭好，最緊要自己鍾意．
第一有資金條件，第二有時間條件，你可以選擇心水樓，何樂而不為，何必庸人自擾考慮市場呢？
市價大跌又未必有合心水樓盤，相信對妳　平唔一定係最好．

出年年中樓價會大跌, 其實有什麼根據?我不提議妳現時買樓, 因為樓價已經升了上來, 妳以前未住過紅磡, 我勸妳先租, 住下來才考慮買, 其實自住沒有貴平的問題, 因為可以貴買貴賣, 記住下一個經濟週期一定是通貨膨脹, 樓價一定是升的!!!!!

有钱人啊,我都住紅磡..得一千幾一个月,你七千几....男友吾贪钱好啊.7k都比的起,当然系直接买楼好过拉.就算楼跌,都不会太低,已经跌的7788拉,仲跌的几多啊,当然买楼..不过你甘有钱,吾晒买紅磡,买黄埔花园好拉.你个租等于我一个月人工拉...你一个人工无3-5皮都吾会住甘好拉。