中五去外國讀書好定中七去好?

我而家o係英國讀緊大學, 希望幫到你
1) 好睇你條路點行, 有人會讀去外國讀高中, 有人會去讀diploma, 有人會去讀其他, 而每個國家又會有其他唔同o既方法俾你去讀大學, 以我為例, 我讀完f5之後去左英國讀左一年Foundation course就入左大學讀藥劑, 而讀完f5之後應該至少你要讀多一年先至可以讀大學, f7就未必, 好睇你成績, 我識得有人讀完f7之後直入英國大學讀Archi(建築系) (佢成f7成績好好), 又識得有人f5得5分之後去左英國再讀英國o既f5, 總之, 好睇你成績

2) 你意思係讀完f6之後去讀外國o既f7? 我未聽過有咁o既升法wor...定係你話考完f7去? 其實好睇你去邊d學校讀, 因為以英國黎講, 一般收international students o既中學會係boarding school, 而boarding school會係包你食住, 仲會好似家長咁管你, 又會俾你接觸多元化o既野, 好似會逼你玩sports, 或者教你楂小型飛機(係真o既, 我有fd係咁), 所以會收好貴, boarding school聽講一年都要過百萬港幣(唔肯定係咪), 但係如果你去一d只係教書, 唔包其他, 當你係大學生咁, 果d就好平, 我以前果間學校就係咁, 大約4-5萬一年(唔包食住la當然), 而考完f7先去外國讀, 好多時係讀diploma, foundation呢d非正式升大學方法, 而讀呢d o既學校, 係唔會包你食住同其他, 所以相對黎講會係平好多, 所以你媽有佢o既道理, 但係又岩唔哂, 但係有樣野你要考慮, 就係讀完f7成績唔好先去外國再讀會哂左你幾年o既時間同金錢, 不過, 如果你成績好好又另計la, 所以你要平衡下, 以我黎講, 我果時知自己o既成績冇可能o係香港讀到藥劑, 就即刻去外國讀foundation, foundation只係要一年, 所以我仲快過其他中學同學入大學tim

3) 老實講, 我屋企都唔係有錢, 只係預左總共100萬左右俾我去外國讀書(包埋大學同食宿), 我大學仲要係讀4年tim(因為英國藥劑冇學士只有碩士), 但係我都岩岩好夠用, 如果你想平, 可以好似我咁, 搵一d只係教書, 唔包其他野o既學校, 至於如果你想o既話找可以介紹我以前間學校俾你, 佢係o係Nottingham, 另外我知道每年暑假都會有一個外國升學展覽係會展度搞, 你可以留意下

4) 可以, 你申請Visa o既時候都會話你可以, 就算有咩特別情況係唔俾你, 你都可以去一d唐人餐館度打黑市工, 不過佢地會壓低你o既人工, 聽你講有興趣去英國, 講d英國o既打工資料俾你聽la, 英國就算McDonalds都有每小時5鎊或以上(大約60港幣, 係!你冇睇錯!英國打工好好搵!), 所以你打工幫補絕對應該可以賺到生活費! 如果你好彩, 有機會搵到大約每小時10鎊以上tim! 但係未必度度都會收你打工, 其實大部份中國留學生首選都係唐人餐館

5) 我都有朋友讀Law, 但係咩國家好我就唔太清楚, 但係我相信因為香港曾經係英國殖民地, 好多制度都係跟英國, 所以好多時英國絕對係升學首選, 但係我建議你去一d升學中心問下會好d, 因為如果回流番香港, 你要清楚可唔可以用外國o既大學証書申請香港o既律師牌, 呢樣野非常重要, 如果你要回流o既話
俾埋一個對英國o既大學o係Law o既排名, 個排名係"Times"做, 幾信得過, 不過當然, 排名唔係一切
http://extras.timesonline.co.uk/tol_gug/gooduniversityguide.php?AC_sub=Law&x=24&y=11&sub=

6) 唔係好想o係呢度expose我個email, 你可以俾你果個我, 我會搵番你

2009-06-13 07:08:21 補充：
如果你要讀Law, 你o既英文底一定要好好, 我估大學Law收生對Law o既要求都好高, 英國我估要IELTS 7-8, 我聽過有人讀Law, 但係佢英文底好差, 讀得超辛苦, 我又識得有人因為讀Law太難而轉左科...

仲有, 你要注意讀書地方o既生活指數, 以英國黎講, 如果o係London講, 你就要預左d野俾其他地方貴好多! 而且, 生活指數高o既地方好多時會有好多誘惑, 我o既意思係好多地方去玩, 對讀書黎講係大忌! 但係又唔好揀d好荒蕪o既地方wor, 如果唔係乜都冇, 又要去好遠先有野買

2009-06-13 07:08:37 補充：
至於邊個國家, 我會勸你唔好咁快就規定自己去英國, 可以去睇多d資料, 去多d展覽, 聽多d講座先決定都未遲, 雖然無可否認, 英國係升學o既一個好地方, 除左認受性高之外, 因為英國本身好悶, 冇咩地方玩(除非你去一d好繁華o既城市), 所以對讀書黎講係非常好!

如果你仲有d咩問題想問我, 可以留低email, 我會搵番你

我和全家現在都在外國(UKID)= =

=============================

1.直入大學都可,不過要在那兒有身份和外語低子好.

2.不是,在那兒有了身份便可以save30%學費了(我姐姐都是)

3.我這裡..= =....名:英國Ireland Dublin 學費比uk便小小
(不要去uk/amc!因uk/amc出入竟會好煩(我試過..最後..幸好入到)入境的人會玩你的.問長問短..如要入 唔好去黑鬼的隊..)

4.m..可以,但要有身份..OR 要有熟人在

5.我這裡..= =....名:英國Ireland Dublin,回反HK便會好多人認同的
話哂都有張證書~

6.my e-mail:[email protected]
msn:[email protected]

你唔可以f.7先去架, 你half way through AS/A2.. 你冇左個AS, 黠考A2呢? 讀foundation好難入law架...