選科問題.出路等

商科有乜出路要視乎你教育程度. 中學黎講, 文理商出路無太大分別, 都係做下文員、餐飲、空姐、醫務所助理、救生員、活動助理、客戶服務、美容美甲及補習導師等等. 你可以到下一D搵工網站睇下邊D工要中學學歷.
有好多人話讀商科可以做會計、文員、秘書、船務、人事, 採購、行政. 但事實係以上工作如果只要中學學歷, 人地無要求話只係請商科生, 就算會計做文員都多個要求要你考LCCI. LCCI呢個讀幾個月已經得. 船務最重要係識填有關船務文件, 但中學商科根本無教.
如果講大學學歷, 就要視乎大學揀乜科. 中學讀商科, 只係唔可以揀理科及工科, 文科、社會科學類科目及商科都可以揀. 出路就當然視乎你起大學讀乜.
會計主要分會計、審計、稅務, 工種有好多. 會計文員就入數、整單、處理金錢等. Accounting Manager就主要睇實公司財務運作、睇下management & financial report、審計就係check下client帳目, 例如睇下文件、單、合約以及去client公司問下management問題以及視察等等. 稅務就係諗點幫公司慳稅.
做律師, 上大學要讀Law. 中學讀文、理或商可以去大學讀Law, 最重要係英文一定要好好.
OL係指於辦公室工作的女性. 人工幾多要視乎公司規模、行業、學歷及經驗. 中小企及無經驗最多都係$6k-$8k一個月. 大公司就睇你做邊個department, 如果同銷售有關(唔駛出街), 薪金同你銷售成績有關. 大公司做OL通常都係幾千至幾萬一個月.
CIT比較偏向理科. 工作方面, 你唔好只係諗前途及人工, 仲要了解下不同職業的環球趨勢, 任何工作都係, 就連會計都有公司搬上內地. 而家已經係全球化年代, 資訊及人才流通速到好快. 而加好多電腦工作已經搬去內地以及印度呢D低成本又有人才國家做. 香港做電腦工作, 就係要識好多電腦語言, CIT未必夠工作需要.
咁揀其實唔算散, 我以前讀中學都有理科生讀會計, 而且係精英班.
經濟讀乜可以上考評局網睇. 難度方面, 會考Level比較重背書, 但預科係重分析. 預科econ的確有唔少人話難, 因為係比較理論下, 好鐘意用diagram及經濟學家理論去解釋現實.

AL Subject Selection

相信很多完成會考的朋友都在煩惱ＡＬ要讀什麼科目。要不要轉讀商科？什麼是AS什麼是AL？ＴＡＳ辛苦嗎？要怎樣讀才能在高考中升Grade奪A？此網站的成立就是要協助你ＡＬ選科！網站轉貼了多位師兄師姐的分享，請細心閱讀並推廣給其他同學閱讀！

http://alsub.blogspot.com/