請問光圈同快門之間的數值是怎樣得出來的?

影響一張相的光暗有四個因素,分別係光圈,快門,iso同埋現場光線.前三者係相機的設定,至於用甚麽數值其實都要視乎最後一個因素,即係現場有幾光.
D90設有測光系統,如果你用全自動的話,佢會因應測光所得而幫你決定晒iso,光圈同快門.所以在唔同環境,你會發覺呢啲數值會有分別.例如在戶外光線充足的地方,可能就得出iso 100, f8, 1/125s,但一去到室內暗地方,可能就會變咗iso 400, f3.5, 1/30s.相機會幫你計算,你係唔駛自己估的.
光圈係以光圈值計算的,例如f2.8, f4, f5.6等,每一級相差平方根2,而數值越小代表光圈越大.所以f2.8乘1.4就等於f4.一級光圈值代表入光量相差一倍,所以在相同環境下,可以用小一倍時間便有足夠曝光.例如f8, 1/125s的入光量和f5.6, 1/63s的入光量是一樣的.
快門值就即係快門簾打門的時間,分母越大代表時間越短.1/200s比1/100s快一倍
詳請可以睇以下網頁.
http://dcfever.com/learn/viewglossary.php?glossary_id=1
除咗全自動外,你仲可以用光圈先決,快門先決或者全手動曝光去自行控制用甚麼光圈或者快門,點解要咁做呢?因為佢地除咗影響入光量外,光圈仲影響景深,快門會影響動作的涷結或者模糊.
最後iso就係感光度,每一級相差數值一倍,iso 400比iso 200高一級,可以用細一級光圈或者快一倍快門時間而有相同曝光值.但係iso越高雜訊也越高.所以可能的話係盡量用較低iso的.
f8, 1/125並不是甚麼標準數值,只是隨便舉個例子.不過一般影風景通常用小一點光圈增加景深,而好多鏡頭最佳解像力多數在f8左右,一般戶外環境用iso 100, f8的話,快門大約就係1/125s左右,所以用來做例子吧.