唔生仔等於自私?

我覺得你無謂同父母嘈, 因為我地新一代, 真係好難會明白上一代既人係點諗, 所以最終都唔會有結果.
以我屋企為例, 我父母當年只係拍左十個月就結婚, 因為佢地當時真係為結婚而去識另一半, 現今呢, 好多人都係為寂寞, 為有個伴同自己吃喝玩樂, 甚至有D人拍好耐拖都唔結婚, 因為佢地覺得只要大家愛對方, 結婚同唔結都唔代表咩, 就算肯結婚既, 都係為向老人家交代, 而我身邊呢, 都有好多結左婚好耐, 但無生仔既朋友, 當中佢地既答案同你哥姐差不多, 都係覺得事業為重, 覺得有小朋友太困身, 同覺得根本唔需要, 責任太重, 無仔女的話仲可以得閒周圍去, 所以你父母心態無錯, 你哥姐既諗法亦都無問題, 只係大家出發點有衝突O者, 現今養一個小朋友既錢都唔少, 栽培亦都唔容易, 世界太世途險惡啦, 就算父母教得好好, 難保佢唔會係學校遇到壞人學壞, 所以依家生小朋友前真係要諗得好清楚, 無謂令社會多一個寄生虫呀.
本身我自己都就29啦, 有個男朋友拍左年半, 父母成日催我地盡早結婚, 但根本我地未了解夠, 同未有錢去建立一個家嘛, 同埋就算他日, 我有小朋友的話, 我都未必會俾我父母去照顧, 因為佢地既思想, 教學方式已經OUT左啦, 依家D小朋友未必接受, 太錫的話又只會寵壞佢地, 依家就係有D家長, 生得一個小朋友, 對佢地太寵愛, 所以形成佢地一係性格孤癖, 一係就持寵生嬌, 目中無人, 無禮貌.
或者咁, 如果下次你父母又向你訴苦話你哥姐唔肯生, 你又唔肯生太自私的話, 你試下向佢地解釋以上我同你講既原因, 再加你叫佢地向好處諗, 話唔定過多幾年, 佢地會轉變諗法呢, 起碼大家聽落都舒服, 又唔會家嘈屋閉呀.

唔生仔當然吾系等於自私!
冇理由父母想有孫所以就生仔!
生仔系睇個人意願! 吾生亦吾等於不孝 !
人亦有選擇權!( 人有吾同的路要行)
生bb 系需要考慮好多事 : 錢 / 責任......
生左又要教又要照顧,會有好多問題!
所以真系要考慮清楚先生 !

生兒育女真的是一個很個人的選擇,亦要作一個十分認真,全面和正確的考慮。
生小朋友不難,能夠教出一個對個人,社會,以至全世界付責的人就不是易事(也別說要對世界有貢獻了)。一對正常男女生育有何難,但又有多少人可保證有時間,有資源,有能力去教養子女。近日打開報紙日日有學生被發現吸毒,有少女援交,知識網日日有人問我係唔係有咗,你以為父母不愛他們嗎,我想不是,只是他們不知如果去教。
不錯,如果個個唔生人口的確老化,但是人不是機器,不能只為一個目的去行事。要是人人只為延續而生育,但生了又不能好好教育,只會令社會多了一班破壞者,而非令社會進步。
老人家希望可抱孫兒的心態可以理解,但不竟現實是老人家也老了,可以與孫兒相對的日子不會太長,而且年紀大,教導能力及時間有限,到最後教養子女的責任始終是父母,所以你是否有能力和時間照顧教育,反而是問題重點,所以為了令自己父母親開心,生個俾佢玩的心態不必作為考慮之列。
不過,也不必太早為生不生孩子下定論,也不必為此與父母爭執,不竟人的思想會隨日子改變,你會改變,你父母也可能會改變,到了某日可能你非生不可,而你父母可能再無所謂,有誰知呢﹖!

2009-06-12 11:15:22 補充：
所以我話遲早一日係將來式,未到有足夠心情準備果日都唔好話生就生,人命一條,要養要教要付責。

其實...睇你點睇
我就【絕對】唔同意樓上果位既講法，我睇完都幾激氣
你唔生，無錯你係自私，因為而家人口老化問題嚴重
如果再唔生多d...香港遲早玩完(呢個經濟方面)
另外因為老人家思想比較保守，基本上每家人都要生小朋友
【特別】係老人家因為成日都好悶，孫仔基本係佢地既娛樂
因為我係老人社區中心做，d老人家一見到孫仔就笑到見牙唔見眼
點解??就係因為d仔女都大個有家庭，無人理佢，得返個孫仔陪佢
其實你賴邊個??你唔陪你媽媽，仲要唔比孫仔佢玩??你唔自私??(家庭方面)
但係，另一方面，老人家自私，都岩....因為始終年代唔同
佢地都唔可以因為自己想要孫，而迫d仔女生仔(人權問題)
總之一句，【當】我係反方啦，生仔比老人家我覺得係有必要既
你媽媽養到你咁大，佢既一個小小要求都滿足唔到佢
就算你做唔到一個稱職媽媽，都要做個稱職既女兒

2009-06-11 16:23:08 補充：
睇多左一句(樓上)
【而且現在地球已經生病】
就係因為地球已經出現問題，你仲唔搵解決方案解決??
你媽媽當年無教你環保，OK
但你生仔女可以教佢，咩叫環保，咩叫毒品
話生完出黎驚佢吸毒??吸毒明顯你教唔好，又將個責任賴落小朋友到??
你怕死，過馬路比車撞??唔好出街呀笨??
你呀媽夠擔心左你幾廿年啦??你而家咪又好地地係到??你有無吸毒呀??
諗野淨係諗埋一邊，淨係諗自己
有無諗過個社會呀??做人咁自私??
咁係因為個地球搞成咁，你都有責任
而家就係靠每個人既力量去改變
你連改變既動力都無，學人講【地球生病】??
你改變左你既【病心理】學會改變地球，先好學人救世

我唔覺得唔生仔係好自私行為，2公婆二口同聲都話唔生好正常，如果一方話唔生另一方話要生就話自私。如果比我再選擇我都選擇唔生，生完又要帶，又要供書教學，到左1314歲時又驚佢學人吸毒，你話生唔生好 ??而且現在地球已經生病，天氣一日比一日熱，到我地下一代你話點生活 ??其實係d老人家自私就真，成日催人地快d生仔，唔去理人地想唔想生。(唔好介意我咁講)