物流-櫃貨程序及手續

以你情況咁講, 應該係由大陸港口出口去海外啦 !! 但其實去既唔同目的地都會有少少唔同架 ! 不過, 大概程序都會一樣既.
1) 你要做booking 俾船公司, 要求要一只20'/40' 柜, booking 上要打齊所需資料啦 !
2) 船公司收到你booking 後, 會check 返目的地既客人, 要求客人confirm 是否接受此貨走船.
3) 船公司收到客人確認後, 便放柜的落貨紙 (S/O) 俾你
4) 你收到S/O 後, 要對上面資料(柜SIZE, 截數日期, 時間等資料) 是否正確
5) 確認S/O 正確後, 發及你自己公司的運輸. 如果你係大陸出柜, 就要發俾你內地運輸, 再通知佢幾時取吉柜&到厂裝柜.
6) 運輸取柜後, 一般都要通知你司機資料架, 以確保唔會裝錯柜或裝錯貨架.
7) 裝完柜後, 運輸會將重柜交返碼頭, 跟住你地報關員及報關行就要做報關手續
8) 大陸出口既貨, 係一定要做好晒報關, 交埋報好關既文件俾碼頭或散貨倉後, 先算係完成晒交柜/交貨程序架 !
(要留意既係, 做好呢D 報關文件同及時交文件, 一般係要截數時間內/前, 就要交埋D 單俾船公司架啦 !
E.G. 如果一票貨, CLOSING 係10JUN09 (1500), 咁即係話你要最遲09JUN09 裝柜, 留最少半日俾報關行/報關員做報關手續同交單架)
7) 裝完柜後, 又O係截數前交埋報關單啦 ! 仲要將資料報返俾晒船公司 (叫做 "補料"), 包括要有, SHIPPER, CNEE, NOTIFY, 箱嘜, 貨品名稱, 毛重, CBM, 柜號, 封條號...等資料.
(大陸碼頭同HK 一樣, 都有交柜既碼頭記錄紙架, 記得問返你運輸公司攞返, 不過, 通常只係COPY 嚟架咋, 叫佢EMAIL 俾你都得架啦)
8) 收到你"補料"後, 船公司會做提單文件, 到船開日期或之前, 就會EMAIL / FAX 提單COPY 俾你對, 你對完就要CONFIRM 返俾佢.
9) 再得佢俾DEBIT NOTE 你安排開支票.
10) 開票後, 找數& 換提單
再有唔明, 可EMAIL 俾我

1.在香港還左重柜及補左料比船公司之后,只要等船開, 及換提單就可以完成.
2.在大陸還左重柜還要報關及等海關放行才可以上船. 通常這些工作是報關員做.通常海關查柜及扣留都是報關文件有問題.

如對物流程序有什麼問題可以給我 e-mail 查詢