購買CPL

其實我覺得唔同牌子分別唔太大.跟自己預算買就可以,當然名牌的鍍膜會好一點,但不致於是天與地的分別.
買CPL要注意幾樣嘢,第一是鏡頭瀘鏡口徑.EF-S 17-55 f2.8係77mm,所以你要買翻77mm既CPL.
其次係偏光鏡有分CPL同PL兩種,PL會影響自動對焦,只適用於手動對焦鏡頭,唔好買錯.
仲有CPL有分普通同超薄的,超薄的適用於超廣角鏡,冇咁易有暗角.17mm可能用普通都OK,不過都建議買超薄,貴小小但比較保險.
有一樣要留意下CPL既鏡邊應該有個箭咀用來指示太陽的方向,聽聞有啲牌子係冇的,要自己在觀景窗睇效果,冇咁方便,最好避免.
其實CPL只係一塊鏡片,冇乜機械或者電子部份,唔帶機去試都得.要試可以攞上手擰一擰佢,對住啲玻璃睇下瀘唔瀘到部份反光.
CPL一般相機店都有,貴既可以考慮B&W,平既可以考慮Hoya.深水埗鴨寮街有幾間都幾平的,不過牌子冇咁齊,尤其貴嗰啲多數冇.