我做錯左事,女友話要分手,點做??

「做錯事」而令女友要求分手，黎黎去去都係 :
1.同另一個女性發生關係
2.隱暪女友，私下做某一種事
3.對女友發脾氣，吵大架
(以上都係我的猜想，你又唔講清楚，叫人點解答你)

至於點氹，其實都係千篇一律的
要解決一個問題，就一定要從問題的徵結去解決
最重要係用行動證明
男生最中意就係講,得個講字
但行為上一d都睇唔出有誠意去改。
千其唔好以為送花，狂打電話，搵朋友幫手就一定得
有d女仔係唔受呢套的。
但你亦要知道女仔好易心軟，
通常比個女仔感覺到你比以前唔同左,
處事成熟左,就會有所動容

首先就要係你做咗啲咩事而令到佢嬲,
就要係個到開始著手囉…
當然你要送個禮物俾你個女友喇~
同埋你要注意你係未成日都做錯野,
如果係咁就正常的;
但係如果你都係幾次,
而佢就話要分手,
咁就要留意你呢段感情係咪真係值得囉,
因為如果只係幾次的話,
真心鐘意你的女仔,
都唔會分手的,
我緊係唔想分化你的感情喇,
但係感情唔係玩玩下,
如果你的女友唔係真心,
咁我就建議你同佢分手喇,
但係我唔係想你同你女友分手,
只不過我都係同你諗一個最好的解決方法啫。
如果係成日甩底的話,
咁你個女友會覺得無咩安全感,
覺得你唔鐘意佢架,
所以你搵日同佢食飯同佢傾吓呢個問題,
順便哄返佢,
如果成功咗的話,
以後就記住唔好成日做錯野囉,
希望你成功喇~再有咩問題可以來問我的。

首先送D佢鍾意既野比佢,,,
之後就話以後都唔會咁做...
叫佢俾多次機會你...
但係你一定要對你既諾言負責...
一定要做到,,,唔好再令你女朋友失望....

咁要睇下你做錯咩事..你可唔可以講得長細 d