✔ 最佳答案
<1. 點解很多人一直強調做帶氧運動的重要性?>
主要原因有兩個：
- 首先，帶氧運動能有效提升心肺功能，而呢樣野對整體健康非常重要的，無論你運動目標係乜，都不可能忽略健康吧？
- 再者，帶氧運動能夠令你做負重運動 (直係做 gym 時的增肌運動) 時有效發揮。因為如果心肺機能唔好，血液就唔能夠有效將氧氣和養份傳送到肌肉，於是肌肉就發唔到力，咁你亦無辦法將增肌運動做得好。
<2. 其實帶氧運動要做多長時間才足夠? 點樣先至叫適合? 因為我學校用跑步機 speed較5.0 唔知夠唔夠= =?>
一般要有效提升心肺功能，最起碼每週 2 - 3 次，每次 30 分鐘或以上。
不過由於你比較瘦而且喜歡增肌，所以也不要做得過多，應該限制每週最多 3 次，每次不超過 1 小時，否則會窒礙增肌。
至於速度方面，重點並非個讀數，而係你的心條律。
要有效提升心肺功能，做帶氧時要將心跳維持響 targeted heart rate，而你今年 20 歲來講，應該係每分鐘 130 - 140 下之間，每大 1 歲減 1 下。
一般跑步機或其他做帶氧運動的機都有個把手俾你的，你搾住一段時間就會顯示出你的心跳率了，然後再就按照心跳率來調較速度吧。
<3. 另外 如我想加強心肺功能 加強基礎先
如果跑步/划艇/踩單車/太空漫步/樓梯機 建議做邊部比較好?>
無所謂，因為全部都好有效的，你選一隻自己較喜歡就得，再唔係今日做太空漫步，下次做划艇，都咁有效。
<4. 因本人有點陀背, 所以希望借助健身器材修正姿勢
用Shoulder press機 適合嗎? 老實講,我做10磅都覺得好攰 = =
做唔到8下 咁點算?>
有點跎背 (或寒背)，就要做多 d 拉背的動作，例如大拉力機就係好基本又有效了。
相反，shoulder press 對糾正跎背或寒背，並無特別效果的；而且暫時不要做太多胸的動作，因為會加重跎背或寒背的情況 -- 唔係完全唔做，以係要做少 d 做輕 d。
另一方面，重量方面，亦唔係體個磅數的，最緊要量力而為。以增肌為例，揀一個合適重量，每次分開三至四組，每組 8 - 12 下，每組之間休息 1 分鐘。
如果你 8 下都做唔到，代表過重了；相反如果做完 12 下都重有力則是過輕。
如果真係連 shoulder press 的最輕重量都做唔掂，咁你可以試下用輕的啞鈴甚至水樽來代替。
<5. 我見其他人做gym A機做幾下 就跑去B機做幾下 then C... 其實我有冇需要跟住咁樣做?>
一般的做法，每一個部位的肌肉都會做幾種機來鍛鍊的，不過唔係 <A機做幾下 就跑去B機做幾下 then C>，而係做 A 機做完晒所需的組數 (常見係 3-4 組)，然後至去做 B 機，如此類推，唔會跳來跳去的。
當然，有部份比較專業的練法，的確係會 <跳來跳去> 的，但呢 D 係好專業的鍛鍊方法了，很少人採用，而且背後亦有一個既定的次序，唔係隨意亂跳的，你只係初學就更別考慮了。
<聽說有一種主要練帶氧 副練肌肉的訓練模式>
是的，好多時就算主力練心肺功能，都會配合一些肌肉鍛鍊的，一來適度的肌肉訓練能夠增強帶氧運動的效果，也能同時改善體型。
其實做運動，不應該只做帶氧或只做增肌的，最好是兩樣都做，只係比重問題：你目標係乜，就以那一種為主，另一種為副。
<想問如果我 主帶氧 + 副修shoulder press可以嗎?>
主帶氧無問題，但副修不應該只做 shoulder press。
做肌肉鍛鍊要講求整體，要練就同時要練全身，包括胸背膊手腿臀等等，不要偏埋一邊，明無？
2009-06-12 09:22:31 補充：
<1. 咁你最初做個一年帶氧運動, 有冇做負重運動?>
無，獨孤一味齋游水。
<2. 請問邊一部係大拉力機? 有冇圖示 / 英文名? 因為學校d機全部instruction都係寫英文.>
英文叫 Lat Pulldown，以下的網址就有圖片和簡介：
http://www.police.gov.hk/offbeat/849/chi/f03.htm
<3. 姐係如果我做負重運動個陣 係咪需要每一部機都做? 每一部機都做3-4組 每組8-12下 ?_? 岩唔岩 >
唔係每部機都做，因為有部份機的功能係重疊的。詳細應該要按照自己的目標和體能，編制自己的 schedule，然後至決定做邊台機。
