我隻倉鼠吾見左

唔同意樓上網友king19952005既做法,做法較危險,希望網友唔好介意及留意一下:就算鼠鼠呢埋唔出唻,都唔好用冰水冷水去倒向鼠鼠,咁好易令鼠鼠感冒,感冒好易死亡既,咁拎得返隻鼠,但又令鼠鼠患重病既話,實在唔係一個安全既做法

有開門就有機會出左去,出左去既話實在好難搵得返,可以試下問下附近既鄰居有冇見過鼠鼠,同時閂好門在家再努力搵下
隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.我唔知你屋企係點,所以都好難話多數咩位置
就算鼠鼠好多次走佬都會自己返唻,都千萬唔好俾鼠鼠有機會走,一次意外足致命,鼠鼠未必識認好遠既路,都唔好太高估鼠鼠既能力

鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現
5)找尋有冇鼠鼠走過既痕跡,便便or食物等
6)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到

如果搵返得既話,要好好留意以下幾點:
1)怕佢出去食左污糟野,所以呢幾日要特別留意下佢既身體及排泄物有冇異常,一發現有異常就要馬上處理
2)出面污糟都易令鼠鼠有皮膚病,同佢用沖涼粉整乾淨個身,密切留意有冇甩毛之類既問題,同埋要檢查下佢身體有冇受傷
3)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
4)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁
5)都要留意返個籠仲有冇第d位可以走到,倉鼠係出名既逃走專家,一定要小心
6)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀

另外,鼠鼠過左一歲就開始老,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097
鼠鼠生粒要留意既事可參考:
http://hk.knowledge.yahoo.com/question?qid=7009040201875

你去d濕d既地方搵啦

我上次係洗衣機旁邊既水渠搵到

佢唔出黎你就用冰水冷水倒入去

其實唔好話好似妹妹呢一隻咁老o既倉鼠LA,就算係普通倉鼠出左街多數都唔番嫁啦, 呢D係尋寵物o既網你又可以貼下海報OR登尋鼠啟事錄(on報紙/megazin)

http://www.petsay.com/

希望您得番佢+油, 到記得Send E-mail比我I’ll pray to U