為什麼市民不知道打流感針很危險?

特敏福毒定流感針毒?
問得好.
使用特敏福在日本已死了十幾人, 而原因大致同引起精神失常有關, 冇大事都唔好亂食.
今次既流感針有既風險, 同而家每年都出既流感針大致相同. 每年都有咁多市民去打.果D平時打左都冇事既市民, 多數唔會對呢種流感針敏感.
打流感針很危險?
咁另一隻人人都有打, 你都一定有打過既MMR[麻疹腮腺炎德國麻疹混合針]年中令幾多人變自閉症, 你又知唔知? 咁中左麻疹又唔一定會死, 不過自閉人士就可能係家人同社會既一大負擔. 呢條數真係唔知點計. 因為大眾利益 [防止疫症流行既風險] 同個人利益 [有併發症既風險] 有時不能並存, 就要取捨. 而家香港地, 流感針你有權決定打定唔打. 風險資料講明啦, 你咪自己衡量下囉.
你咪睇D議員 牙斬斬, 又話有風險, 又話浪費公帑. 你試下而家唔訂疫苗吖, 過兩個月, 大爆發時, 又會有議員出來話政府後知後覺, 點解明明有疫苗都唔去買, 到其時, 比人鬧係一回事, 疫症不可收拾先至攞命呀. 到時香港既經濟損失, 包括隔離 / 停課 / 開唔到工所失去既生產力, 冇旅客敢黎 旅遊業收檔, 仲有病人迫爆醫院既醫療開支, 分分鐘唔止呢個數. 買左疫苗, 就好似買左保險, 你冇事咪覺得浪費 / 危險囉. 係一出事 [疫症大流行] 先知有用架啦.
大家都對沙士既悲慘日子同經濟損失猶有餘悸, 你唔係咁快忘得一乾二淨掛? 如果當年做得切沙士疫苗, 又買到, 趕及比人打既話, 可能好多人都不用枉死, 包括盡忠職守而殉職既醫護人員. 如果今次買到疫苗, 佢地就係首要接受既一群. 而閣下就不必費心危不危險啦, 因為睇你唔方會做呢行架啦.
聰明既做法呢, 就係準備一定數量既疫苗, 任D市民自願承擔風險咁接受. 閣下唔敢打針, 病倒了就唔好賴政府冇準備比你. 當全港只有一半既人打左, 就算有一半人冇打, 疫症既傳播途徑就會被免疫者切斷, 冇傳得咁快咁遠, 你呢D唔敢打針既人, 多多少少都受到保護. 點呀? 你有什麼反應? 你又會識得對敢於接受風險既市民 感恩咩?
===
上帝對於人類這般自以為是和胡作胡為的作為有什麼反應?
樓主你想講既之自以為是, 係想講 [製造和使用流感針] 係自以為是? 定係 [人類養豬污染環境反受其害] 係自以為是? 定係D議員係又鬧唔係又鬧呢種自以為是? 定係你呢D名又唔敢出, 知D唔知D既人自以為是?
上帝有D咩反應? 相信佢對人類自找麻煩既事看多了, 見怪不怪啦. 如果閣下自認為冷嘲熱諷很高明, 很幫得到人的話, 歡迎你將來參選立法會啊.