我隻倉鼠面腫起左，怎辦？

好難話就咁睇會睇得出腫係d肉腫定係有食物,面腫可能係腮入面有食物or有食物整唔到出唻,時間,可以留意一下腮入面有冇野,都有可能係腫瘤,而生粒粒則要睇返係瘡定腫瘤,太長整唔到食物出唻都會令腮生瘡唔係好明點解話幫鼠鼠抹眼邊?而鼠鼠飲用既水唔好加鹽,鼠鼠一定要飲水,但又強行要鼠鼠飲d鹽,易令鼠鼠飲過多既鹽,加上鼠鼠飲水並唔洗流入個腮度既
鼠醫生資料及睇醫生要留意既事可參考:(有埋價錢)
http://hk.knowledge.yahoo.com/question?qid=700903190175

A.腮問題
如果唔係只放左食物入腮,則可能係放左食物入去,如果過一陣會整返出唻就冇問題,長期咁就可能係有野整唔返出唻,又或係腮有膿瘡
食物整唔返出唻可能係食物太黏,而口入面既瘡係因為有尖既野整穿左鼠鼠既腮,再有細菌感染而做成,呢個情況一定係要搵獸醫先可以解決到,仲要盡快,如果唔係,個瘡爆左,咁就好難好返架啦

避免鼠鼠既腮穿,記得要留意以下幾點:
a)避免有尖銳食物or用品俾鼠鼠
例如俾一條長木俾鼠鼠磨牙,鼠鼠有可能會塞入腮帶住周圍行,唔好以為唔係野食就唔會,我有隻鼠真係試過,好在冇事
而用既木糠都要揀過先好俾鼠鼠用,木糠有時會有好尖既木在入面
b)避免放好大舊既食物俾鼠鼠
例如有d草磚都幾大舊,又或合桃連殼都好大粒,如果鼠鼠塞到入腮,就會有危險
c)唔可以俾糖,朱古力等黏性食物
雖然呢樣同腮穿冇關,但都會令腮有膿瘡,黏既食物好易因停留在腮內而令腮發炎,所以都係好危險既

萬一鼠鼠不幸,真係腮有問題,可以做下以既處理方法:
1)有第隻鼠既話要分籠,避免患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)口有粒野or腮穿左,係好易令鼠鼠食唔到野or唔食野,留意鼠鼠有冇咁既情況,有既話就要用手直接餵鼠鼠食野飲水
3)如果鼠鼠食野困難令佢唔係點食野,可以俾一d有營養既野佢食.可以試下俾d白麵包,麥片佢
4)保持環境乾爽清潔,避免有更多細菌再令鼠鼠受感染
5)盡快睇醫生

B.腫瘤or膿瘡
林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了
放膿or整腫瘤都要落麻醉藥(放膿要睇位置同情況),所以如果你隻鼠年紀大既話,就要考慮清楚先好決定,老左既鼠好難承受到麻醉藥既

睇醫生同時可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)檢查籠入面有冇野整親鼠鼠,瘡既話係有外傷再受細菌感染而做成
4)如果鼠鼠有身凍既問題,就唔好俾風直接吹到鼠鼠,要鼠鼠保持溫暖;但冇咁既情況在熱既時候,就要多加留意散熱問題,熱天要留意既事可參考:
http://hk.knowledge.yahoo.com/question?qid=7009031601855
5)俾一d有營養既野佢食.可以試下俾d麥片or白麵包佢
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

呢個可以幫到你
http://hkyahoo.web4.dnssky.com/yahoo.com.hk/hk/auction/1118037410