有關PhD一問

勁喎, 直接 admit 到 PhD。一般 PhD 畢業生既出路都係大學入面搵教職。我唔係讀土木工程, 我唔知Civil PhD仲有無其他出路, 所以我都係同你講下大學搵教職呢條路。系香港 PhD 畢業, 會比較難系香港既大學搵番教職, 大學一般都傾向請外地有名既大學PhD 畢業生，除非你可以有兩三份勁既 Publications，咁就唔同講法。

可能土木工程系個情況會唔同, 不過你可以去有土木工程系的本地大學望下個academic staff list, 睇下有幾多個 professor 係本地PhD畢業，咁你就知個機會有幾大啦。

我覺得你直接入到 PhD, 應該係有一個好好既 Research topic 可以做，例如係之前無人做過你個topic 既, 咁你可以出到勁 publication 機會將會較大。你應該都好想做你propose 既topic 啦, 唔係都會去報PhD , 係咪?

其實你不如講下你既擔心係乜啦? 讀完 PhD 之後覺得無鬼用, 浪費左四年；家下高薪厚職唔想辭工Full time 讀定點．．？



2009-06-15 14:21:27 補充：
Part time 讀博士唔係貴一倍喎, part time既學費係full time既一半, 計番全個PhD 其實學費差不多，不過part time 就無studentship。不過我唔建議你讀part time, 因為 research 唔同讀course, research 係要花好多時間, 一般你返完工, 你仲邊有時間精神去睇paper，畢唔到業既機率好高。所以professor 一般都唔傾向收part time PhD 學生。

2009-06-15 14:30:06 補充：
至於你話四年後難搵工作, 呢個我覺得你唔駛太擔心, 一般經濟衰退都唔會維持四年, 四年後就業情況好大機會係已經轉好。其實city 肯直接offer 你PhD, 而唔係MPhil , 我覺得你學士個final year project 應該已經係做 research-based 既project, 應該有少少經驗；加上我認為 city u 都認同你有能力去完成呢個PhD 先批你者, 你又唔駛驚話讀唔上。

最差情況我覺得係你一年後覺得自己真係唔掂, PhD 畢唔到業，你咪申請轉去MPhil, MPhil 都係full-time 讀兩年, 捱多一年就有番個master, 咪唔駛讀足四年囉。

2009-06-15 14:38:14 補充：
至於畢業後搵唔搵到工, 呢個就睇你做化咯... 如果係教職，香港的大學是傾向請海外的博士生，除非好似我之前講咁, 你有幾份勁 paper渣手, 有既話其實你去邊度搵都會有人請。或者你可以考慮香港以外的大學搵教職, 呢個都係其中一個選擇，當然人工我印象中海外的大學一般係無香港的大學咁高。

真係搵唔到教職, 你PhD畢業後可以選擇去其他大學做一兩年 post-doc, 儲多幾份paper, 加多D 本錢去搵教職。咁攪埋 post-doc 都唔掂既... 咪最多搵番家下類似既工作, 斷估都唔會唔夠 d 學士爭, 係咪