一直拍...有一日..我冇野做..睇a君既facebook..見到佢既朋友名單..有b女既名..我好奇下..就add左b女facebook..點知..我一開..竟然發覺b女既感情狀況..係與a君交往中..而且b女亦留言"我今日又可以見到bb啦,好開心""bb比心機!我永遠都係你身邊"等等既留言..再睇到a君同b女既親密合照..我簡直成個人傻左..一路睇一路喊,身體不自主咁震..
後來我朋友叫我試下同b女傾下..睇下b女會唔會接受唔黎而同a君分手..我首先有禮貌同佢講我身份..我問佢好多野..佢又問我好多野..發覺a君對住我地講過好多大話.我地都分唔到佢講邊句係真邊句係假..後來我心又痛..又恨a君..所以我同a君講清楚..我知道佢d衰野,分手啦..點知a君並冇咩大反應..佢講你既然知道左咁就分手啦..我果時真係好唔開心,晚晚去玩,痲醉自己,
玩到好累起身,又一日..時間快過好多..
我忍住唔打比佢,亦忍住唔聽佢電話..但我當時唔明點解佢都要成日係咁打電話比我,又o係我msn同我講好掛住我,好想聽我把聲,
最後我態度好差咁同佢講,
我:咩事丫..
佢:我好掛住你丫..你係邊丫.做緊咩丫..
我:唔再關你事啦..冇野講就收線..
佢:我有樣野想同你講?
我:咩丫..
佢:你知唔知.我對住一個我唔中意既人好辛苦丫,我想搵佢黎忘記你,但點都係唔得..
我:你唔好黎呢套啦..你同佢嘈交咋..唔中意又一齊咁耐..唔好再呃我啦~
之後佢一直同我傾左幾個中頭電話..佢一直哄我..我最後心軟..亦感動到喊..但一提到佢同b女分手既事..佢話佢會處理..叫我比d時間佢..唔想hurt到佢..但我話..你同佢分手遲早都hrut到佢架啦.你連分手都林住佢..根本係直口..之後我同佢又嘈左好耐..結果佢又嫌我煩,又嫌我唔體諒佢..我亦唔想再同佢嘈..我比個時間佢..6月..6月佢一定要同佢講清楚..我唔想佢拖拖拉拉..當時我又係信佢信到十足十..因為佢講既野..真係好真..我分唔清啦..
佢話佢同b女關係已經好差..比d時間佢..等b女忍唔住同佢講分手wo..
但禽晚..我又上facebook,又發現b女原來同佢感情好好..發現a君又再一次呃我啦..我同b女講..原來b女都唔知我地一齊返..b女亦話a君會同佢結婚,又話自己有左佢bb..
聽到我個心好up..一直以黎~我當a君係我最親既人..仲親過我屋企人..但原來佢係一個危險人物..佢明知我好愛佢...佢可以利用我既愛黎傷害我~?佢平時好錫我..好緊張我既前途..為我打算..計劃10月同我搬出黎住..講好多好多野..原來都只係一個大話..人點解可以咁復雜?佢一路呃我,一路呃b女..佢唔累咩..如果佢唔中意我..點解佢要呃我..因為上床~?
呢個問題我都問過佢..佢話..我同你3年啦..仲係想同你上床咩..我係愛你..
我真係覺得我一無所有啦..為左佢..佢唔中意我同某d朋友一齊玩..我已經冇搵果d朋友..我全個世界就好似得佢一個..我點可以企返起身..同朋友傾心事..佢地都覺得我好煩啦..當初佢地反對我同a君一齊返..而家唔聽佢講..覺得我都只係自己攞黎..我真係冇左佢唔得..我接受唔到咁大打擊..
對唔住大家要睇我咁長篇既野..
更新1:
多謝大家安慰我..但要忘記佢..真係好難.. 佢禽晚同我講..我中意B女係因為B女對佢好,好愛佢.. 而搵返你係唔捨得我地3年感情.. 但我都好愛佢,點解佢只係覺得B女愛佢多D呢.. 不過算..呢個男人我點都唔會再信佢..亦唔會再比機會佢.. 但我同佢既生活已經習慣左....搵個第二個男人..我又無辨法去投入..
