會考完好悶,香港景點?

樓主如果唔想駛咁多錢，又想探索下香港島既古蹟，可以學我係幾年前咁，先download古物古蹟辦事處嗰張一級歷史古蹟既名單，再攞埋張地圖，然後係中西區行足一日，咁你肯定比香港嗰邊勁靚既古蹟迷住而樂而忘返。
我親自行過一次先至知原來香港仲有咁多咁有殖民地色彩既精美建築。有幾度一定要去，包括茶具文物館(舊三軍司令官邸)、孫中山博物館(舊何家大宅甘棠第)、醫學博物館(舊傳染病研究院)、聖約翰座堂、香港天主教總堂、文武廟及香港大學主樓。幾個地方都係香港歷史最悠久既英式建築，保存得好好之餘，樓主仲可以免費或比少少錢(孫中山博物館及醫學博物館)入去隨便參觀。尤其是嗰間天主教總堂，佢比一座屬於明愛既平凡建築物遮住左，小弟之前根本唔知香港有間咁靚既教堂！兩間教堂及文武廟係私人地方，樓主最緊要你要尊重人地既地方，兩個教堂都唔比人影相，睇下就好啦。而幾間博物館雖然有兩間要比錢，但好值得，因為佢地唔只間建築物好睇，仲有其他展覽睇，實在抵睇。而香港大學主樓係比影相既，亦可以自由出入。
另外中西區仲有幾個唔入得只可以睇外觀既一級古蹟，包括依家係石塘咀民政大樓既舊精神病院(即係所謂既高街鬼屋，但係政府只保留左佢既外觀)、終審法院(一間舊法國教會既物業)、禮賓府(舊港督府)、荷里活道一號差館、域多利監獄、猶太廟(呢間廟非常神秘，週圍圍晒高高既鐵欄，重門深鎖，仲有看更睇到實，樓主係外面望兩眼就好)、英皇書院。近蘇豪區仲有一間清真寺，係得到住持既許可下可以進入，但樓主一樣都要非常尊重人地既地方。
除左上述既古蹟，成條荷里活道係香港著名既古董街，成條街有好多賣古董既舖頭，樓主去參觀下都唔錯，不過就真係要小心啲唔好打爛人啲野。

我認為你可以同d朋友一齊香港一日遊，
大部份旅行社都有一日遊ge團，
你可以去睇下，一日去到不同地方，又包午膳，
是不錯的選擇。

你可以去赤柱->美利樓、赤柱大街、碼頭，
最近赤柱加左d新野，而且沿途d景色好靚，又多野睇，
不坊去去....

若想去接觸大自然，也可以去下石澳、黃金海岸、淺水灣游水，一定是免費的。

或去濕地公園欣賞自然環境，可以觀鳥觀蝶，行紅樹浮橋，
睇招潮蟹、貝貝、稀有植物，真的很心曠神怡。

赤柱美利樓
去完行下商場

考完試做下義工啦！

E-MAIL TO ME.

早上港島从湾仔碼頭步行至石渠北帝廟由山路行上警察博物館回程乘15號(9元)到中環码頭.