近攝鏡同Zoom的問題

其實係兩樣冇太大關係的功能.
Zoom既意思我諗你係指用長焦距將遠處景物拉近而達到放大的效果.
近攝固名思義就係靠近物體而達到放大的效果.
雖然兩樣方式都同樣可以達到放大效果,但用zoom遠的方法係針對遠方較大的物體,工作距離可能係頗長的.但長焦鏡頭未必代表近攝能力好.每支鏡頭都有一個最近對焦距離,如果一支長焦鏡頭既最近對焦距離係長的話,對於一啲一定要靠近才可以影得較大既細小物件就會因為對唔焦而冇辦法影得夠大.
這時候就需要一些近攝能力強的鏡頭,例如一些微距鏡雖然焦距短,冇辦法將遠處物件放大,但佢地最近對焦距離會比一般鏡頭短,可以用靠近物件的方法把細小的物件影得較大.
如果係專為影微距而做的鏡頭,效果反而會比一般鏡頭好.
但係如果係輕便DC的附加鏡頭,咁係一定會令畫質有所下降的.

2009-06-10 08:45:26 補充：
如果你用既係DC,即係唔係單鏡機,你會發覺多數係越zoom遠反而越不能靠得近對焦,放大率反不及用廣角焦距隊到好埋影.