金魚街店鋪信譽問題?

我有試個一次做黑店水魚經驗，
金魚街近臭豆腐對面有一間招牌係綠色招牌叫(巨浪)的舖頭，有一個星期日我用六百港元，買1L鋁瓶加單頭錶，比錢前我查貨啦，想睇個1L鋁瓶，他們就說，瓶就唔緊要(當時用個靚盒包住)，冇乜壞，但就最緊要睇清個錶，咁就仔細教我點睇個錶啦，教左我兩三個字，我就一路學，就一路比錢，我一想睇個1L鋁瓶，他們又話教埋你點裝止逆閥及計泡器，又教左我兩三個字，最記得係話軟水樹脂可以令水，軟D酸D似水D…我聽完就走啦!

咁返到去，嘩!小，個瓶用左十世咁花到乜，個錶時大時細，第日就出去話換啦……結果……梗係冇結果啦，仲話我乜用到咁花，個錶我又整爛左,加錢換，態度差度面色差到嘔……

沿著路向旺角方向行，有一間門面黑色招牌既叫[水草店]，因為之前睇過該店冇制服，見老闆一家係到(細女都係)，而價錢正常，諗都係一間唔驚比人找悔氣既舖頭，咁就入去問啦!

問完想話一set買過(條氣唔順)，執好1kg筒及雙錶後，
就話黑店一事，老細一聽，就話比佢睇睇，再問幾錢，聽後就話價錢平一半正常人都去買，但咁咪出事囉，你個錶最多值甘蚊，呢D點教，個筒花到咁，你一定係夜晚買!

跟著就話個筒仲用到係花者，金融風暴咪買啦，單買個錶先算啦。

最後單買一個錶一年保…

所以呢間[水草店]都比左好大信心我，而另外係水草店隔離(面向左手邊)，唔知乜名，我買十蚊魚同水滋都好鬼好招呼，似乎都唔錯，

如果買普通用具呢，向旺角方向行，行到最尾一間叫棠記水旅都好好，以我買511濾筒為例，收我二佰九，公價就三佰一二到，有藍色制服果幾間，一開價五幾幾，我嘩左一聲，就話再平比我，我就話唔洗啦，心諗平一半啦!

買ada野，泥呀咁，就去返棠記對面間水族世界人地代理度買，因魚街ada泥都有假貨，仲要收貴，我買硝化細菌，代理賣七十五，雖然有人買到六十五(唔知邊)，但魚街有一間新開，一模一樣賣八十五囉，

想買二氧化碳，一定咪出魚街買，去大角咀買，我買1kg(多過1L一陪)都係五佰，叉氣三四十元最少叉1kg，魚街最平叉氣1L都九十，識行唔記得名反正好多間，係消化用品入去問就冇死。

仲有野買去魚佬度買都好好，係雅虎拍賣打魚佬水族就搵到，佢有價錢你睇，睇完先上佢度買，佢舖就近郎豪坊附近的樓上舖，但價錢平，店主好鬼親切，問佢又答得勁詳細(可能冇人)，最正係，買完液肥，又問佢又冇矮珍珠我話唔想行返魚街買，佢話冇乜得小小，我問有幾少，佢指一指個缸話，最多十元賣一半，唔可以賣哂成個，唔係生唔返!我十元買完後，暗喜因為佢個份量魚街賣四十元。
http://hk.user.auctions.yahoo.com/hk/booth/fishmanshop

又一魚街黑店提供給兄弟小心 "迪X尼水族館"