我想做律師

1.最緊要讀好咩科?
英文。Law School會 triple-count公開試英文成績是舊制度下眾所周之，相信 3-3-4 會一樣。

英文應付到並不足夠!你要係英文最勁個幾個!要急起直追

現時，如果想入HKU，高考英文最少要 B，如果想入CityU或 CUHK，高考英文最少要C

2.揀科會唔會影響到,最好揀咩科?
揀科唔會有影響。law school 文理商學生都有
但好似理科易d拎好成績，而入 law school競爭幾激烈。如果無特別喜好，可以考慮理科

事實上，法律並不講求死背爛背，最重要是羅輯思維，找出問題所在，應用法律原則

law school 考試好多係 open book，因係一科既閱讀素材已經可以放滿一個 box file，仲要係雙面加縮印，根本記唔曬

3.邊間大學最好?(符合我ge程度)
首屈一指係 HKU

CUHK 同 CityU好難講邊間好d，CityU一向唔多掂，CUHK就太過新

如果想入待遇好既大型國際律師行工作，HKU second up 係最低條件

4.晉升機會如何?
好難答你，睇你修行如何。

5.當我想做裁判官(或法官),應該點做?
做裁判官，要律師執業滿5年
做法官，要律師執業滿10年

6.當我讀緊法律果陣,使唔使讀埋其他副科(例如:犯罪心理學)
唔需要。但大學除左必修科有d electives，自己想讀咩就報咩。
但犯罪心理學同法學無大關連

7.出黎執業果陣,有冇其他文憑要考?
完成法律學士 (LLB)後，並不可立即成為律師。要先完成法律專業文憑 (PCLL)。唔好以為讀完 LLB 可自動有得讀 PCLL。PCLL學額供不應求，LLB third hon一定讀唔到 PCLL，second low都未必一定入到

PCLL為時一年

完成 PCLL後，做事務律師要實習2年，做大律師要實習1年。完成實習後才可成為律師

法律學士 (LLB)及醫學士(或醫學院院士)的學位長期供不應求,入到真係同中六合彩頭獎差唔多。

所以d家長們,唔好過份期望你仔女一定要做醫生律師。以免希望愈大,失望愈大........